Image

Elkarrizketa

Iñaki Barcena: 'Diplomazia ekologikoaren politikak oso eskasak dira, hobe COP27 bezalakoak ez egitea'

Iñaki Barcena Ekologistak Martxan taldeko kidea elkarrizketatu dugu Hamaika Telebistan. Egiptoko COP27 bilkura izan du hizpide, eta nabarmendu du horrelako bilkurak “antzerkiak” izaten direla aurretiazko adostasunik lortzen ez bada: “Egipton ikusi dugu politikariak ez direla klima larrialdia demokratikoki konpontzen ari, eta ez direla horri aurre egiteko politikak adosteko gai”.

Maria Solana, Geroa Bai: 'Sozialistek ez dute ongi ulertu zer den koalizio gobernu bat'

Nafarroako aurrekontuak onartu berri egin direla eta hauteskundeetarako 6 hilabete besterik geratzen ez direlarik, Maria Solana, Geroa Baiko parlamentaria elkarrizketatu du Hamaika Telebistak. Uxue Barkos edo Joseba Asironen itzulera aurreikusten ote duen, edota autogobernuaren garrantziaz hitz egin du Solanak, bestelako gai anitz batzuetan gain: Erdizko meategiaren gatazka, Felix Uharteren domina, edota Irulegiko aurkikuntza, besteak beste.

Maria Solana, Geroa Bai: 'Sozialistek ez dute ongi ulertu zer den koalizio gobernu bat'

Igor Arroyo, LAB: 'Grebek inoiz baino eraginkortasun handiagoa dute'

Igor Arroyo LAB sindikatuko idazkari nagusia elkarrizketatu dugu Hamaika Telebistan. Bere esanetan, “800.000 lagunek, bi langileetatik batek, ez du diru-sarrera nahikorik bermatuta, ezta enplegurik ere”. Egoera ekonomikoari dagokionez, nabarmendu du “oso oinarrizkoa” dela soldatak KPIaren arabera eguneratzea; izan ere, azpimarratu du langileek “bataz beste 6.000 euro galdu dituztela urtero azken 10 urteetan”.

Nabarmendu du “matxismo estrukturala” dagoela sektore feminizatuetan, eta azaldu du emakume langileak “diskriminatuta” daudela bi arrazoiengatik, “sexuen araberako lan banaketa” dagoelako, eta emakumeei “ukatu” egiten zaileko sarbidea hainbat enpresatara: “Patronalak are zikoitzago jokatzen du emakume langileekin, eta gaur egun martxan dauden greben erdia baino gehiago sektore feminizatuetan eta zerbitzu sektoreetan egiten ari dira”.

Etxeko langileen egoerari erreparatuz, adierazi du epaitegiek kaleratu duten lehenengo epaiak jasotzen duela langile horiek badutela “negoziazio kolektiborako eskubidea”, baina ez duela jasotzen “nor eseri behar den mahaiaren beste aldean, Cofebaskek dioelako ez dituela enplegatzaileak ordezkatzen”: “Oso jarrera koldarra da, eta ez dute erantzukizunik hartzen; guk langile horien diskriminazioarekin amaitzeko neurri politikoak eskatzen jarraituko dugu”.
Bizkaiko metalgintzako hitzarmenaren negoziazioa izan du hizpide, eta nabarmendu du patronalak jarrera aldatu ezean, grebek eta mobilizazioek jarraituko dutela. Era berean, dio ez duela “ulertzen” ELAk mobilizazioak eta greba egunak bere aldetik deitu izana: “Iruditzen zait ez duela zentzurik, eta praktikan ere ez duela eragin handirik beste deialdi bat egiteak greba-egun berdinak eta aldarrikapen berdinak planteatuz”. Bizkaiko adinekoen egoitzetako langileen borroka ere izan du hizpide, eta “ulertezintzat” jo du Bizkaiko diputazioaren “axolagabekeria”.

Gaur egun, grebek are “eraginkortasun handiagoa” dutela dio: “Hamar hitzarmen sektorial inguru desblokeatzea lortu dugu, hainbat enpresatan urratsak lortu ditugu, eta greba eskubidea aitortua ez zuten langile batzuei eskubide hori aitortu zaie, Amazonen, kasu”. Horrez gain, langileak “ahalduntzeko” balio duela dio, eta baita beste hainbat enpresatan borrokan ari diren langileak “adoretzeko” ere.

Iñigo Urkullu Eusko Jaurlaritzako lehendakariaren bildu izana “normalizazioaren” erakusle dela dio, baina, era berean, salatu du ez duela “inolako asmorik politika publikoetan inolako aldaketarik egiteko”.

Arabako, Bizkaiko eta Gipuzkoako Hezkuntza Legeak etorkizuneko hezkuntza sistemaren oinarriak jarri beharko lituzkeela dio: “Hezkuntzan erabateko eskumenak eskatu beharko genituzke, mantentze eta murgiltze ereduak ezarri beharko lirateke, eta Elizarekin adostutako hezkuntza sistema dual horrekin amaitu behar da, sare publiko bakar, burujabe, berri eta deszentralizatu batentzat jotzeko”. Hala ere, Arroyok salatu du Eusko Jaurlaritzak ez duela sistema dual hori gainditzeko asmorik.

Joseba Otondo: 'Landa eremuaz beti oroitzen dira, neoliberalismoaren zerbitzurako bada'

Baztango alkatea den Joseba Otondok bigarren legealdia beteko du 15 herri txikiz osatutako udaletxean. Euskal Herriko zabalera handieneko udala da Baztan, eta landa eremuak berebiziko garrantzia du bertako errealitate sozioekonomikoa ulertzeko. Sistema globalizatu eta neoliberalista baten baitan landa eremuak duen egoeraz hausnartu du Otondok. Baita Erdizko meategia edo Aroztegia proiektuaren inguruko irakurketa.

Asier Etxenike, Hezkuntza plazara: 'Lakuak aurkeztutako zirriborroa Hezkuntza Itunetik gobernuak berak garatutako interpretazioa da'

Asier Etxenike Hezkuntza plazara ekimeneko kidea elkarrizketatu dugu Hamaika Telebistan. Etxenikek azpimarratu du hezkuntza sisteman “trantsizioa” egiteko markoan kokatzen dutela Hezkuntza Lege berria, eta nabarmendu du Hezkuntza Itunaren balorazio “positiboa” egin zutela oro har, akordio horrek “margotzen zuelako aurrera egiteko oinarria”. Hala ere, uste du Eusko Jaurlaritzak irailean aurkeztutako Lege Zirriborroan “jausi” egiten direla Hezkuntza Itunean jasotako hainbat puntu: “Indefinizio maila handitu egin da, eta are, zehaztuta zeuden gauza batzuk desagertu egin dira”.

hamaika telebista

11 laguntzaile

Image