Elkarrizketak

Ainhoa Astigarraga: "Ondo xehetu beharko da zer den deszentralizazioa arrakalak ez handitzeko"

Ainhoa Astigarraga Steilas sindikatuko kidea elkarrizketatu dugu Hamaika Telebistan. Hezkuntza Lege berria izan du hizpide Astigarragak, eta nabarmendu du "ez dutela ulertzen zertara datorren Hezkuntza Legea onartzeko presa". Nabarmendu du azken bi urteetan "geldirik" egon dela prozesua, eta "bat-batean" makineria guztia martxan jarri dela. Hori horrela, adierazi du kontzertu ekonomikoen itunen iraungipena egon daitekeela horren atzean: "Aurten amaituko dira kontzertu ekonomikoen itunak, eta bernegoziatu egin behar dira; hori horrela, hezkuntza pribatua zuritzeko mekanismoa izan daitekeela uste dugu".

Bel Pozueta: "VOXek sortutako errealitate faltsua hauspotzen lagundu du Jaurlaritzak"

Bel Pozueta EH Bilduk Espainiako Kongresuan duen diputatua elkarrizketatu dugu Hamaika Telebistan. Asteburuan Arrasaten izandako mobilizazioak izan ditu hizpide Pozuetak, eta nabarmendu du "Voxek beste errealitate batean jarri dutela fokua hainbat komunikabide eta instituzioen laguntzarekin: elkarbizitzari aurre egitea, talka egitea, gorrotoa sustatzea...". Adierazi du hainbat erakundek ez diela "mugarik jarri" mezu horiei, eta hedatzen "lagundu" dietela.

Mikel Otero: "Estatus berriaren auzia erresoluzio fasean sartu behar da"

Mikel Otero EH Bilduko legebiltzarkidea elkarrizketatu dugu Hamaika Telebistan. Espainiako Gobernuak argindarraren prezioa mugatzeko hainbat neurri iragarri ondoren, enpresa elektrikoek erantzun zuten zentral nuklearrak itxiko dituztela. Oterok "txantaiatzat" jo du hori, eta horrez gain, nabarmendu du erakusten dutela "zein indar harreman dagoen botere publikoaren eta enpresa pribatuaren artean". Adierazi du edozein gobernuri "hordagoak botatzeko" gaitasuna dutela, eta, are, adierazpenak berak ere ez ditu onargarritzat jo, "sistema elektrikoa segurtesunarekin lotuta dagoelako, eta nolabait sasiboikot bat proposatzen ari direlako".

hamaika telebista

Image