Saioak

Hego Euskal Herrian ia mila kasuren langa gainditu da

Hego Euskal Herrira begira, azken 24 orduetan 986 positibo berri atzeman dituzte Osakidetzak eta Osasunbideak. EAEn 760 detektatu dituzte azken egunean, 13.224 test diagnostiko egin ostean. Nafarroan berriz, 226k eman dute positibo, 2861 proba egin ondoren. Ipar Euskal Herrian, berriz, arratsaldeko seietan etxeratu beharko dira larunbatetik aurrera. Neurri murriztaileagoak iragarri ditu Frantziako Gobernuak, eta gutxienez bi astez mantenduko ditu.

Dimisioa ekiditeko babes bila dabil Giuseppe Comte Italiako lehen ministroa

Italiako enegarren gobernu krisia parlamentuan bideratu nahi du Giuseppe Comte lehen ministroak. Horretarako berehala dimititu beharrean gertatutakoari buruzko azalpenak emango ditu Comtek berak datorren astean parlamentuan, ordezkari batzuyen babesa lortu eta dimisioa eman beharrik ez izateko. Hala jakinarazi zion atzo Comtek berak Sergio Matarella presidenteari.

Sindikatuek eta Bilboestibak zamaketarien hitzarmenerako negoziazioa desblokeatzea adostu dute

Bi egunez bilerak izan ostean, Koordinadora, UGT eta KAIA sindikatuek, eta, Bilboestiba elkarteak akordioa lortu dute Bilboko Portuko zamaketarien hitzarmen kolektiboaren negoziazioa desblokeatzeko. Akordioak Bizkaiko zamaketari guztiak aipatzen ditu. Langile batzordearen gehiengoak sinatu du, baina ELA eta LAB kanpoan gelditu dira.

Euskal Elkargoak kaltetutako herritarrentzako eta langileentzako konponbidea eskatu dio prefekturari

Pirinio Atlantikoetako prefekturak Ipar Euskal Herriaren eta Hego Euskal Herriaren artean zortzi pasabide itsi ondoren, Joseba Erremundegi Euskal Elkargoko mugaz gaindiko lankidetzarako kontseilariak herritarrentzat eta mugaz gaindiko langileentzat aterabideak aurkitzeko deia luzatu du agiri baten bidez.

Athleticek Bartzelonaren aurka jokatuko du Superkopako finala igandean

Athleticek Malagako Rosaleda zelaian Real Madrili 1-2 irabazi zion bart, eta beraz, Superkopako finala jokatuko du igande gauean Bartzelonaren aurka. Itsasora begira, Eztizen Duke arraunlariak itzultzea erabaki du. Ikasketak zituen lehentasun. Orain berriro ere arraunari ekin dio. Beraz, itsasoarekin lotuta beste behin Arraun Lagunaken.
hamaika telebista

Image