Saioak

5.000 alegazio baino gehiago aurkeztu dituzte Aldane parke eolikoaren aurka

Urbasa-Andia Bizirik plataformak Aldane parke eolikoaren aurka 5.000 alegazio aurkeztu ditu Espainiako Gobernuak Iruñean duen Ordezkaritzan. Performance eran, naturaren aldeko eta parke eolikoaren aurkako abesti bat ere abestu dute, "gure mendien etorkizunaz erabakitzeko herrien subiranotasunaren ikur gisa".

Udane Arbeo: "Jaurlaritzak kartzeletako langileen baldintzak zehazteko akordioa lortu du"

Udane Arbeo lankideak hainbat gaien berri eman digu zuzenean Gasteizetik: Gogora institutuak onartutako plan berria, espetxe eskumena jasotzear dagoela espetxeetako langileen lan-baldintzak bermatzeko Jaurlaritzaren eta sindikatuen arteko akordioa eta udako turismo datuak azaldu ditu Arbeok.

Pentsio publikoen aldeko aldarriak Bruselan entzun dira

Hego Euskal Herriko Pentsiodunen Mugimenduko hainbat kidek Bruselara bidaiatu dute Espainiako Estatuko beste hainbat elkarteko kideekin batera. Pentsiodunek Europako hainbat parlamentariekin bilerak egin dituzte; izan ere, pentsiodunek ohartarazi dute Europako Batzordeak pentsio publikoak malgutu eta pentsio plan pribatuak bultzatu nahi dituela.

EHko Neska* Gazteak: “Borroka feminista kolektiboki garatu behar dugu”

EHko Neska* Gazteak mugimenduak xoko ezberdinetako talde feministen sarea ehundu du. Izan ere, herri bakoitzak erronka, dinamika edo arazo ezberdinak izan arren, talde feministek helburu komunak dituzte. Hau da, neska gazteak subjektu politiko bezala ezaugarritzea eta neskek dituzten zapalkuntzak mahaingaineratzea.

Hurrengo asteburuan, urriaren 9an eta 10ean, Baterajotzea egingo dute Elizondon (Nafarroa), ‘Mugimenduan gaude, Lurrikara gara’ lelopean. Topaketetan Arabako, Bizkaiko, Nafarroako eta Gipuzkoako neska gazteen iritziak eta borroka erak komunean jarriko dituzte.
hamaika telebista

Image