Oier Zuñigak, Eneko Gilek eta Belen Cruzek Antzuolan, Bergaran eta Elgetan egin dute Geuretik Sortuak egitasmoko egonaldia. Eresia proiektua sortzen ari dira eta doluaren gaia landuko dute bertan.
Iraitz Lazkano Elgetako alkatearekin, Beñardo Kortabarria Antzuolako alkatearekin eta Kristina Markina Bergarako kultura zinegotziarekin ere hitz egin dugu erreportajean.
Josu Martinez zinegileak Hitzak fikzio laburra sortuko du Baigorrin, Geuretik Sortuak egitasmoaren barnean. Berak lehenago egindako fikzio laburren jarraipena izango dela esan digu zinemagileak. Maddalen Dupuy udaletxeko kontseilariarekin ere hitz egin dugu herritarrez, bertako ohiturez eta kulturaz ere.
Sindikatuek salatu dutenez, Novaltiako lan-gatazka 2019ko hasieran piztu zen zuzendaritzak hitzarmen berriaren negoziazio mahaia “aldebakarrez” hautsi zuenean, Estatuko hitzarmena aplikatu ahal izateko.
Horrela, duela ia 800 egun grebari ekin zioten beharginek hitzarmen propioaren alde, eta baita soldataren igoera eskatzeko ere. Hala, grebalarien egoeraren berri eman dio Mikel Etxebarria ELAko industria arduradunak Hamaika Telebistari.
Umore azoka asteburu honetan ospatu da,. Hala, ostegunetik igandera arte kale antzerkiek Leioako kaleak bete dituzte. Gainera, aurtengo edizioak nazioarteko, espainiako eta euskal herriko konpainiak uztartu ditu, hala ere, Udalak foku berezia eman nahi izan dio bertako taldeei.
Leire Egaña 'Bira Produkzioak' ekoiztetxeko kidea da, eta laburmetraia sortzen ari da Galdakaon, Geuretik Sortuak egitasmoaren barruan. Edurne Espilla Galdakaoko Udaleko zinegotziarekin hitz egin dugu.
Udan eginiko aurkikuntza astelehenean jaso zuen hiriburuko udaletxeak: garai batean Takonera eta San Nikolaseko ateak irekitzen zituzten bi giltza.
Nefer Olaizola ilustratzailea dolua ardatz duen ipuin ilustratu bat garatzen ari da Zuberoako Ligi-Atherei, Liginaga-Astüe, Lexantzü-Zunharre eta Etxebarre herrietan, Geuretik Sortuak egitasmoaren barnean. Egoitz Urrutikoetxea Lexantzuko hautetsiarekin ere hitz egin dugu egitasmo honen garrantziaz.
Argindarraren prezioak mugarik gabe igotzen jarraitzen du, eta hala, asteon Bilbon protestak antolatu dituzte igoeraren gehiegikeria salatzeko. Ekologistak Martxanek eta Bilboko Auzo Elkarteen Federazioak elkarretaratzea deitu dute ostegunerako, sistema energetiko eta elektriko duin eta publiko baten alde.
Alaitz Argandoña BAEF elkarteko kidearekin izan da Hamaika Telebistan, hurrengo protestaren nondik nora guztiak ezagutzeko. Nabarmendu du irtenbidea ez dela zergak jaixtea, "sistema energetiko publiko eta duina sortzea baizik".
80 eguneko okupazioaren ondoren, Arbonako laborariek lursailen salmenta oztopatzea lortu dute. Hala ere, laborariek borrokan jarrituko dutela berretsi dute. Izan ere, berria poztasunez hartu duten arren, gaur gaurkoz, ezer ez dago irabazita, baina ezta galdua ere. Hala, Maritxu Lopepe laborariarekin eta Filipe Lascaray BOSTeko kidearekin hitz egin du Hamaika Telebistak.
