Image

Minutu batean

Santi Brouard eta Josu Muguruza gogoan

Egun berean, 1984ko eta 1989ko azaroaren 20an hil zituzten Santi Brouard eta Josu Muguruza. 1984eko azaroaren 20an, Luis Morcillok eta Rafael Lopez Ocañak tiroz hil zuten Santi Brouard bere pediatriako kontsultan. Hilketa hura Espainiako gobernuak 1980ko hamarkadan aurrera eramandako estatu terrorismoaren operazioetako bat izan zen.

Josu Muguruza 1989ko azaroaren 20ean hil zuten. Madrilgo Alcala Hotelean armaturiko bi pertsonak tiro egin eta hil egin zuten. Hilketak Euskal Herri osoan greba orokorrerako deialdia sorrarazi zuen.
Bost urte lehenago Santiago Brouardekin gertatu bezala, erailketa egiteko aukeraturiko eguna ez zen kasualitatea izan. Francisco Franco eta Primo de Riveraren heriotzak gertaturiko egun bera izan zen.

Skabidean taldeak 10. urteurrena ospatzeko dokumentala kaleratuko du

Iruñeko reggae, ska eta rocksteady taldeak bere ibilbidearen errepasoa eta unerik hunkigarrienen oroitzapenak batzen dituen dokumentalaren trailerra kaleratu berri du. Baina interneten argitaratu aurretik, dokumentala ikusteko emanaldiak antolatuko dituzte herri ezberdinetan zehar. Dokumentalaren egileak Ekhiñe Aizkorbe eta Antonio Iriarte dira. Horretaz gain, Skabidean taldearen hamargarren urtebetetzea ospatzeko emanaldi berezia emanen dute urriak 22an Totem aretoan, Iruñean.

Bilboko Guggenheim museoak 25 urte bete ditu

1997ko urriaren 18an zabaldu zuten Bilboko Guggenheim museoa. Museoa dekonstruktibismoaren estilo arkitektonikoaren arabera eraiki zen, eta CATIA izeneko programa informatikoa erabili zuten museoa osatzen duten titaniozko pieza guztiak diseinatzeko. Frank Gehry estatubatuarra da eraikinaren arkitektoa.

Guggenheim Bilbao Museoa inauguratzea pizgarri handia izan zen bai hiriko bai inguruko kultura-, ekonomia-, gizarte- eta arte-alorretan.

Guztira 24,7 milioi pertsonak bisitatu dute Bilboko Guggenheim museoa 25 urteko historian. 5.884 milioi euroko ekarpena egin dio BPGri. Gainera, bere jarduerak urtean batez beste 5.420 lanpostu mantentzen lagundu du.

Mende laurdena ospatzeko, 'Sekzioak/Intersekzioak erakusketa aurkeztuko dute, Museoaren Bildumaren 25 urte ', erdiguneko areto guztiak hartzen dituena. Hainbat ekitaldi eta erakusketa antolatu dituzte ospakizun gisa.

Euskaltzaleen Topaguneak 25 urte bete ditu

25 urte dira Euskara Elkarteen Topagunea izendatutakoaren eratze batzarra egin zutela. Euskaltzaleen elkarteak eta euskal hiztun komunitatea saretu, indartu eta hedatzeko sortu zen Topagunea 1996. urtean. Euskaraz bizitzeko guneak, zerbitzuak eta ekimenak sortzen dituzte beste eragile batzuek euskararentzako aukeraketa espazioak sor dezaten. Egun, 75 elkartek osatzen dute Topagunea, eta 15.000 bazkidetik gora ditu.

hamaika telebista

11 laguntzaile

Image