Bidelagun Fundazioa sortu du ELAk lan prebentzioan eraginkorragoa izateko eta enpresetan urtean gertatzen diren 40.000 istripuak murrizteko. Espezializazioa eta berrikuntza juridikoa tresna izango dira “enpresentzat garestiagoa izan daitezen istripuak edo gaixotasunak prebentzio neurriak baino”. Prestakuntza eta balibide juridikoak erabiliko dituzte eraginkortasuna lortu eta osasun laborala babestu eta sustatzea helburu. Fundazioa Durangon egongo da.

Datorren ostiralean, martxoak 25, 'Fridays for future' aktibista klimatikoen gazte taldea kalera aterako da berriro, hainbat hiritan, bizitza kapitalaren aurrean jartzearen garrantzia aldarrikatzeko. Gainera, krisi klimatikoan inbertitutako baliabide falta aldarrikatu nahi dute.

Espainiako Gobernuak, joan den ostiralean, bat egin zuen 2007an Marokok Sahara Mendebalderako proposatu zuen planarekin, eta hainbat eragilek eta indar politikok gaitzetsi dute erabakia. Madrilek Marokoren harremanetan «aro berri» bat hasi du, Polisarioak atzerapauso gisa kritikatu duena.

Martxoaren 18an, aurreko ostiralean zehatz mehatz, Eusko Legebiltzarrean hezkuntza akordioa adostu zen. Bestalde, sindikatuak ez daude ados zirriborroarekin.

Euskarak, galegoak eta katalanak presentzia handiagoa izango dute Netflixen 2022an. Plataformak 70 ikus-entzunezko inguru txertatuko ditu hizkuntz hauetan. Aurrerapauso bat da, baina adierazi dutenez: 'Ez da nahikoa'.

Hamaika urte igaro dira Fukushiman istripua izan zenetik, baina arrisku erradioaktiboa etengabea da. Hori dela eta, aurreko hilabetean, otsailean, Energia Atomikoaren Nazioarteko Erakundea, Fukushimako zentralera hurbildu zen ur erradioaktiboa itsasora isurtzeko japoniarren plana gertutik aztertzeko. Milioika metro kubiko daude oraindik zentral nuklearrean gordeta, eta itsasora isuri nahi dituzte, nahiz eta gizarte zibilak horren kontra egin duen.

Gaurkoan, Ibarran aurten ospatuko den Kilometroak jaiaren bueltan ‘Infinitu Irribarra’ ekimen parte-hartzailea eta kolektiboa aurkeztu dute Donostiako Tabakaleran. Irribarreak estalita egon diren garaiak atzean uzteko helburuarekin sortu dute ekimen hau. Irribarra da, hain justu, aurtengo Kilometroak-en leloa.

Novaltiako grebalariek elkarretaratzea egin dute gaur Bilboko Epaitegien aurrean, greba eskubidea urratzeagatik egin den epaiketa dela eta. 2019an greba hasi zenetik, enpresak grebarekin bat egin ez duten langilei hileron 300 euroko gainsaria ordaindu die. Gaur Novaltiako grebak 966 egun bete ditu, Europako grebarik luzeena.