Bidaiaren azken helmuga Lahore izango da, Pakistanen ondare historiko eta kulturalaren bihotza. Shahi Qila gotorlekua, Badshahi mezkita eta Data Darbar santutegia bisitatuko ditugu, hiria kalez kale ezagutuz.

Lahoreko kaleetan barrena egingo ditugu azken pedalkadak. Bi hilabeteko ibilbidearen ondoren, paisaiek bezainbeste, bidean ezagututako pertsonek utziko dute arrastoa. Karakorumeko mendiak, Hunzako bailarak, Chapursaneko isiltasuna, Rakaposhi, Kalash, Peshawar... eta bidean partekatutako irribarreak izango dira etxerako motxilan eramango dugun oroitzapenik handienak.

Bidaia amaitu da, baina batzuetan helmugarik garrantzitsuena ez da mapan agertzen dena, bidean aurkitzen duzuna baizik.

Pakistan bizikletaz – Asier Arroita Lafuenteren eskutik.