Image

Gure begiz

Iñigo Morete, kazetaria: ‘Azken aste hau hondamendia izan da kriptotxanponen alorrean’

Nazioarteko iruzur bat azaleratu da egunotan kriptotxanponekin egindakoa. 200.000 biktima potentzial baino gehiagori eragin die, Europan bakarrik, Alemania, Italia eta Espainia buru direla. Era berean, kriptotxanponen sektore osoa dardarka jarri du bi plataforma handien porrotak. Bien bitartean, kaltetuak saiatzen ari dira dirua berreskuratzen. Iñigo Morete kazetaria da eta blockchain teknologian aditua. Berak eman dizkigu gakoetako batzuk.

Iñigo Aduriz, Eldiario.es: ‘Aurrekontuak aurrera ateratzen direnean konpromisoak bete beharko ditu Gobernuak bazkideekin’

‘Soilik bai da baietz’ legeak sortutako harrabots juridiko eta politikoak eztanda egin du azken egunotan. Madrilgo politika guztiz astindu duen gaia. Iñigo Aduriz Eldiario.es-eko kazetariak aztertu du zer ari den gertatzen.
Horrez gain, EH Bilduk aurrekontuak babestuko dituela adierazita, aurrera aterako direla azaldu du Adurizek. “Ustez, inoizko Gobernurik ahulenak” aurrekontuak aurrera ateratzeko duen gaitasuna mahai gaineratu du.
Ostegunean bozkatuko dira aurrekontuak. Horrez gain, sedizio delituaren erreformak eta enpresa energetikoen eta bankuen gaineko zergak ere egingo dute bidea Diputatuen Kongresuan. Gakoak eman dizkigu Adurizek.

Asier Blas, EHU: ‘Eraso bat egon zen Nord Stream gasbidean, jakiteko falta dena da nork egin zuen’

Azken astean tentsioa goraka egin du Polonian jaurtitako misil baten ondorioz, NATOko kide baten eremuan lehen hildakoak izan ziren eta alarma guztiak piztu ziren. Gertatutakoa aztertu du Asier Blas EHUko zientzia politikoko irakasleak; baita Nord Stream gasbidearen sabotaiaren azken berriak ere.

Iker Bizkarguenaga, GARA: ‘Gizartearen zahartzeak migrazioaren joera utilitarista bat ekartzen ari da’

Munduko biztanleriak 8.000 milioi pertsonaren langa gainditu du, eta populazio horrek alde handiak ditu kontinente eta herrien artean. Zein ondorio atera daitekezke? Zein erronka planteatzen dira? Gurean, epe motzean, zer suposatuko du gizartearen zahartzeak? Iker Bizkarguenagak gaia landu du GARAn. Berak eman dizkigu gakoetako batzuk.

Niko Cuenca, ekonomialaria: ‘Oinarrizko elikagai asko inflazioaren bikoitza garestitu dira; elikaduran aldaketak ekarri ditu honek’

Urriko inflazio datuak aztertu ditu sakonean Niko Cuenca ekonomialariak. Azpiko inflazioa zer den eta zergatik den garrantzitsua honi begiratzea ere nabarmendu du. Elikagaien prezioen gorakada azpimarratu du ekonomialariak egoera honetan, eta nola errenta baxuenekoei eragiten dien gehien, oinarrizko produktuak kontsumitzeari uzteraino. Energiaren prezioek eta Espainiako Gobernuak ezarritako neurriek etorkizuneko inflazioa markatuko dutela adierazi du.
Bestalde, munduan dagoeneko 8000 milioi pertsona baino gehiago bizi gara; mundu mailan egunero igotzen ari den zifra. Datu honek suposatuko duenaren konplexutasunean sartu gabe, lehen begiradako arazoak eta erronkak azaldu ditu Cuencak.

hamaika telebista

11 laguntzaile

Image