Gizartea

All Stories

Caparroson dago Europako makro-etxalde handiena

Nafarroako hegoaldeko Caparroso herrian dago Europako behitegirik handiena. 59 hektareako eremua 5 nabetan banatuta dago, eta 5.200 behi inguru dituzte -Nafarroako bost esne behitik bat-. Urte osoan egunean hiru aldiz jezten diete esnea, etenik gabe. Valle de Odieta enpresa jabea da eta 2023 urterako 7.200 behi izateko proiektua iragarri du.

Nafarroak 100 positiboetatik behera amaitu du astea

Positiboek behera egin dute berriz ere Nafarroan. Egindako 1.310 PCR eta antigeno proben arabera, 59 kasu antzeman ziren igandean. Larunbatean baino 7 kasu gutxiago zenbatu ziren atzoko egunean. Behin behineko datu hauek kontutan hartuta, positibotasun tasa, une honetan, %4,5ean kokatzen da. Asteko datuak aztertuta positibo kopurua %34 jaitsi da Nafarroan.

Ikastetxeetako aurre-matrikulazio kanpaina aurkeztu du NIZE elkarteak

Datorren kurtsorako aurrematrikulazio kanpaina aurkeztu du Nafarroako Ikastetxeen Zuzendaritzakideen elkarteak, 'Hunkitzen, funtzionatzen eta konektatzen gaituen eredu eleanitza da' lelopean. San Frantzisko Ikastetxean egindako agerraldian, D eredua "fidagarria" eta "eraginkorra" dela nabarmendu dute.

100 koronabirus kasu baino gutxiago atzeman dituzte Nafarroan bosgarren egunez jarraian

Nafarroako Osasun Sailaren behin behineko datuen arabera, 71 koronabirus kasu antzeman zituzten atzo 1.932 PCR eta antigeno proba egin ostean. Beraz, positibotasun-tasa %3,7koa da. Beheranzko joerak jarraitzen du; izan ere, asteazkenean 93 kasu atzeman zituzten, eta atzo 21 gutxiago izan ziren. Bosgarren egunez jarraian, 100 koronabirus kasu baino gutxiago atzeman dituzte Nafarroan; asteko datuei begiratuz, atzemandako koronabirus kasuak %45 jaitsi dira. 

Naturklima egoitzaren lehen harria jartzeko ekitaldia egin dute gaur

Naturklima aldaketa klimatikoaren Gipuzkoako fundazioak “zero emisioko” eraikinaren aurkezpen prentsaurrekoa egin du gaur Donostian. Fundazioaren egoitza berri hau eraikitzeko, 7.160.000 euroko inbertsioa egingo da, eta obrak egiteko epea 22 hilabetekoa izango da. Jasangarritasun irizpideak kontutan izanda, material birziklatuak erabiliz eraikiko da.

1521eko herri altxamenduaren memoria oroituko du Nafarroa Berriz Altxa ekimenak

Loiolako Iñigo gaztelar kapitainaren oroitarrian egindako agerraldian, 1521eko altxamendua gogorarazten duen monumentu bakarra dela kritikatu du plataformak. Nafar herritarren erresistentziaren memoriako gunerik ez dagoela ere salatu dute. Hori dela eta, Iruñeko Udalean mozio bat aurkeztu dute memoria erreparatzeko eta benetako errelatoa ezagutarazteko. Gainera, maiatzaren 22an Nafarroako Artxibo parean egingo duten ekintza plazaratu eta herritarrei parte hartzeko deia egin diete.

hamaika telebista

Image