Hamar hilabetez konfinamendu baimendupean egon ondoren, gaur goizean, 10: 15ean, kaleko ateak ireki dituzte Lizarrako San Jeronimo egoitzako egoiliarrentzat. Zentro hori erreferentzia bihurtu zen pandemiaren hasieran, bertako langileek egoiliarrekin batera konfinatuko zirela iragarri ostean.

Araban, Bizkaian eta Gipuzkoan pandemiari aurre egiteko jarraibideak ezartzeko ardura duen LABIko Aholku Batzordeak bilera egin du goizean, kutsatzeen bilakaera eta EAEko Justizia Auzitegi Nagusiak ostalaritzaren itxiera bertan behera uzteko hartutako erabakia aztertzeko. Neurri berriak astelehen gauean sartuko dira indarrean eta 20 egunez luzatuko dira, martxoaren 5era arte. Mugakide diren udalerrien arteko mugikortasuna baimentzea adostu dute jarduera sozio-ekonomikoak egiteko eta aire zabalean kirola egiteko.

Hezkuntza lerroak aldatzeko irizipideak "oinarri pedagogikorik gabe" hartu direla salatu dute gaurkoan Iruñeko haur eskoletako langile, ikasle eta gurasoek, tartean hizkuntza irizpideei dagozkienak.

Nepalgo mendebalde urruneko departamentuan jaiotako neskato eta emakume nerabeekin hezkuntza proiektu bat garatzen ari da Nepaldala Gobernuz Kanpoko Erakundea, Katmandu hiriburuan, eta, horri esker, ikasteko aukera daukate neskek. Aitziber Alza eta Miren Beroz hondarribiarrek eta Olatz Lasa irundarrak iragan hilabetean aurkeztu zuten proiektua.

EAEko Auzitegi Nagusiaren behin-behineko neurriaren ostean, Araba, Bizkai eta Gipuzkoako taberna gehienek ateak ireki dituzte berriro ere, EAEko ostalarien hiru patronalek ezarritako helegitea aintzat hartu baitu. LABI aholku batzordea, ordea, bihar bilduko da neurri berriak aztertzeko, eta eremu gorrian dauden udalerrietako ostalari gehienek, neurri murriztaileak espero dituzte.

Atzokoan positiboek berriro gora egin zuen, 97 kasuetara igota eta positibotasuna %3,4ekoa izan zen.

Araba, Bizkaia eta Gipuzkoan ostiralean batzartuko da LABI mahai politikoa. Ostalarien helegitea onartu zuen atzo EAEko Auzitegi Nagusiak, baina asko dira itxita segitzen dutenak ostiralean Jaurlaritzak neurri zorrotzagoak hartuko dituelakoan. Ostalaritzari lotutako neurriak bakarrik ez, Ibon Etxeberria LABI batzordeko goi karguaren kaleratzea ere hizpide dugu egunotan.

Azken asteko datuek hoberantz egin duten arren, Santos Indurain kontseilariak adierazi du arrisku maila handian dagoela oraindik Nafarroa eta beraz, beharrezkoa dela indikadore guztiak gehiago jaitsiaraztea.