Eshter Alvarez eta Ziortza Berrioteagortua izan dira Hamaikako platoan, bularreko minbiziaz hizketan. Bizkaiko Minbiziaren Aurkako Elkarteko kide dira biak; Alvarez Psikologia arduraduna da bertan eta Berrioteagortua boluntario gisa dabil egun, duela hamar urte gaixotasuna diagnostikatu ostean.

Prebentzioaren garrantzia azpimarratu nahi izan dute biek, bai eta babes-sareak izatearena ere. Zentzu horretan, minbiziaren prozesua pasa bitarte beste paziente batzuekin elkartu eta sentitutakoa elkarbanatzearen onura ere plazaratu du Berrioteagortuak; izan ere, azkenenan "pertsona bakoitzak era ezberdinean kudeatzen du gaixotasuna", baina kudeaketa horretarako erremintak elkarbanatzea edota"hitz egiteko espazio segurua" edukitzea oso baliagarria dela baieztatu du.