Espainiako Estatuko trantsizioaren "espiritua" berreskuratzea da Iñigo Urkullu Eusko Jaurlaritzako lehendakariak proposatutako konbentzio konstituzionalaren oinarrietako bat. “Espiritu” hark autonomia erkidego komunak eta erkidego historikoak bereizten dituela adierazi du. Donostiako Miramar jauregian egin ditu adierazpen horiek. Urkullurentzat “funtsezko eztabaidagaia” da “nazio bateko gizarte desberdinen aitortza”.