Araba Buru Batzarrak Ramiro Gonzalez proposatu du Arabako Diputatu Nagusi izateko hautagai, eta Irma Basterra Arabako Batzar Nagusietako presidente izateko hautagaia. Gonzalezek Arabako Foru Aldundian izandako esperientzia eta ibilbidea azpimarratu ditu ABBk, baita Arabako Foru Aldundiaren egungo eta etorkizuneko erronkei aurre egiteko duen gaitasuna ere. Bestalde, Basterra foru ganberako presidentea da gaur egun, eta EAJk haren esperientzia nabarmendu du administrazio publikoan eta Arabako lurralde-garapenean.

Gasteizko alkategai izateko ostera, Jon Urresti, egungo Vital Fundazioko presidentea, proposatu dute. Jon Urrestik Vital Fundazioaren eraldaketa gidatu du azken hamarkadan eta denbora horretan industria arloaren aldeko inbertsioak aurrera eraman eta kultura eta kirolaren arloetan ekarpenak egin dizkie Gasteizi eta Arabari.