Euskal Herrian Euskarazek protesta egin du larunbat honetan, euskaraz bizitzeko nahia aldarrikatzeko. Ehundaka lagun bildu dira Baionan, ‘Euskaraz bizi nahi dugu’ lelopean. Adierazi dutenez, “euskaraz bizitzea ez da hautu askea; aitzitik, erabakiguneetatik eta botere-guneetatik ukatzen diguten eskubidea da”, eta “Frantziako eta Espainiako agintariak dira bizi dugun zapalkuntzaren erantzule nagusiak”.