Urko Olazabal: "Tranpetan jausi gabe kontatu nahi genuen Maixabelen historia"

Donostiako Zinemaldian estreinatu da Maixabel Lasaren bizipenetan oinarritutako 'Maixabel' filma. Urko Olazabal da filmeko aktoreetako bat eta berarekin filmak dakarrenaren eta izan duen harrerari buruz hitz egin dugu. Olazabalek azaldu du filmak "sekulako harrera" izan zuela eta "txaloaldi bero eta hunkigarria" jaso zutela Kursaaleko aretoan. Olazabalek azaldu duenez, protagonista bakoitzaren bide emozionala lantzen da pelikulan, "amorrutik maitasunerako bidea".

Luis Carrasco ETA kide ohiaren azalean sartzea egokitu zaio Olazabali, eta, horretarako, Carrascorekin berarekin bildu dela azaldu du. Material "sentsiblearekin" lan egin dutela aitortua, "errespetu handiz" jokatu dutela nabarmendu du: "Tranpetan jausi gabe kontatu nahi genuen historia".

Zerikusia duten artikuluak