Gasteizko Mitika diskotekaren atarian emandako gertakariak “homizidio edo hilketa gisa” epaitu behar direla adierazi du epaileak. Halaber, kasua herri epaimahai batek eraman beharko lukeela gaineratu du.
Akusatuak gaztea hiltzeko asmoz edo behintzat “hori gertatzeko aukera handia zegoela” kontuan izanda eraso egin ziola jaso du epaileak autoan. Azaldu duenez, erasotzaileak erabilitako indarra “arma edo objektu astun batekin emandako kolpe baten baliokidea” izan zen.