1953ko irailaren 21ean egin zen Donostiako Zinemaldiaren lehen edizioa, Nazioarteko Zine Astea bezala. Hasierako helburua zinematografikoa bezain komertziala zen: Donostia nazioarteko turismoaren mapan kokatzea, zinema erakargarri gisa erabiliz.
Lehen edizioaren arrakastaren ondoren, Zinemaldiak nazioarteko aintzatespena lortu zuen. Hortik aurrera, Donostia munduko zinemagile eta izar handien topaleku bihurtzen hasi zen. Finean, 1953an Donostia mundura zabaltzeko sortutako ekimen batetik, zinemaren munduan berezko nortasuna duen nazioarteko jaialdi izatera igaro da.