Asteazken honetan, azaroaren 12a, Euskarari Puzka kanpainak bere jardunaldirik berezienetako bat biziko du. Errigorak, San Fermin ikastolarekin elkarlanean, auzolan handi bat antolatu du, goiz osoan zehar, 200 ikasle inguruk parte hartuko duten ekimen kolektiboa.

Helburua kanpainaren barruan banatuko diren mila eta bostehun saski baino gehiago prestatzea izango da, elkartasuna, talde-lana eta belaunaldi berrien arteko euskararen sustapena uztartzen dituen jarduera.

Aurreko edizioetan bezala, ekintza honek laguntza ekonomikoa bidali nahi die Nafarroako erdialdean eta hegoaldean euskararen alde egiten diren proiektuei: zehazki, saski bakoitzaren balioaren % 25 horretarako erabiliko da.

Ekimen honekin, Errigorak berriro ere euskara, elkartasuna eta lan kolektiboa eskutik helduta doazela erakusten du.