Arabako Foru Aldundiak Bernedoko udalekuen antolatzaileei euren webgunetik uda honetan antolatuko dituzten udalekuen inguruko informazioa kentzeko eskakizuna egin die. Izan ere, antolatzaileek udaran eskainiko duten programazioa zabaldu dute, eta Aldundiak horren aurrean, gogorarazi du iaz udalekuetan parte hartu zuten adingabeen ustezko sexu askatasunaren aurkako jokabideengatik hainbat familiek salaketak jarri zituztela auzitegietan.