‘Xauri’ izango da 2027ko Herri Urratsen leloa. Zatoz edo etorri esan nahi du, eta gonbidapen bat izan nahi du: ikastoletara, euskarara eta komunitatera gerturatzeko deia. 44. edizioa maiatzaren 9an ospatuko dute, ohi bezala, Senpereko aintziraren inguruan.

Seaskaren arabera, Herri Urrats jai-egunaz gain, ezinbesteko diru-iturri ere bada ikastolen eraikuntza-proiektuak gauzatzeko. Aurten, arreta berezia Donapaleuko lizeo berrian jarri dute. Seaskaren berrogeigarren ikastetxea izango da, eta Ipar Euskal Herriko barnealdeko ikasleei euskaraz ikasteko eta bizitzeko aukera gehiago eskaintzea du helburu.