Gakoak

Ane Urkiri: "Bi jardunaldiren faltan eskuratu dute salbazioa eibartarrek"

Asteburuak kiroletan emandakoaren errepasoa egin dugu Ane Urkiri kazetariarekin. Buruz buruko txapelketan hirugarren postua eskuratzeko partidaren emaitzari buruz, emakumezkoen futboleko lehen mailan euskal taldeek lortutako emaitzei buruz, eta Paluine Ado surflariak Tokioko joko olinpikoetarako lortutako sailkapenari buruz hitz egin digu besteak beste.

Eguzki Urteaga: "Errelato bat eraikitzea da gobernuaren helburua biktimen memorialarekin"

Eztabaida ugari eragin ditu Gasteizen aste honetan inauguratu duten biktimen memoriaren zentroak. Eguzki Urteagak nabarmendu digu zentroak errelato konkretu bat bultzatzea duela helburu. Horrez gain, Hego eta Ipar Euskal Herriaren arteko mugan izaten ari diren zailtasun eta oztopoei buruz ere jardun dugu, eta baita Emmanuel Macronek Ruandako genozidioan Frantziak izandako ardura onartuz egindako diskurtsoari buruz ere.

Leire Regadas: "Espainiar estatuak arazo larri bat du memoria historikoari dagokionean"

Kataluniako eta estatuko gaurkotasunaren berri ekarri digu Leire Regadas kazetariak. 2016an kazetari bati borra kolpe batekin hatz bat hautsi zion Eskuadra Mossoari bi urteko espetxe zigorra jarri diotela azaldu digu, baina aurrekaririk ez duenez ez dela espetxera sartuko. Madril aldera begira jarrita, Botere Judizialaren Kontseilu Nagusiak memoria demokratikoaren harira egindako txostenean dioenari buruz ere jardun dugu.

Txabi Alvarado: "Ohiko langile mugimendutik harago doa Aiaraldean eratzen ari dena"

Mobilizazio eguna izan dute gaur Aiaraldean. Sindikatuek eta hainbat gizarte eragilek deituta, “ohiko langile mugimendutik harago” doan mugimendu bat da gaurko mobilizazio hau babestu duena eta azken aldian Aiaraldean eratzen ari dena. Txabi Alvarado Aiaraldeako kazetariak eman digu gaurkoaren testuinguruaren berri.

Iñigo Aduriz: "Gobernuan eta PSOEn izugarrizko zorabioa daukate indultuen gaiarekin"

Sanchezen gobernuak preso politiko kataluniarren ezarri asmo dizkien indultuei buruz hitz egin dugu Iñigo Aduriz kazetariarekin. Gobernuaren baitan bakarrik ez, PSOEren egituran ere gai honek "zorabioak" eragiten dituela esan digu. Horrez gain, eskuineko alderdiek Colon plazan egingo duten protestari buruz eta eskuineko alderdien arteko harremanari buruz ere jardun dugu.
hamaika telebista

Image