Image

Kultura

All Stories

Aitor Mendiluze izan da garaile Durangon 726,5 punturekin, lehen itzulia itxiz

Aitor Mendiluze izan da garaile Durangon, 726,5 puntu eskuratuta. Saioa amaitu orduko jakin zen zein diren hurrengo fasera pasatuko ez diren sei bertsolariak: Ane Labaka, Nerea Elustondo, Iñaki Apalategi, Asier Azpiroz, Haritz Mujika eta Aitor Etxebarriazarraga.

Azaroaren 19an hasiko da finalaurrekoen bigarren itzulia, Amurrion (Araba). Bertan izango dira kantuan: Oihana Iguaran, Alaia Martin, Aitor Bizkarra, Agin Laburu, Miren Artetxe eta Onintza Enbeita.

Ondorengo faseak azaroaren 26an Baionan eta abenduaren 3an Bilbon izango dira.

Raplarien emankizunak, asteburuan, Hamaika Telebistan!

Aste honetako Banda Zabala saioan, Odei, Buru Arin eta Doce C raplariak arituko zaizkigu Azpeititik, eta Ziakhus-lil zikuta, Arrano Pertxa, Eimi MC eta RqR Zarata Selektion Gasteiztik. Larunbatean eta igandean, 20:00etik aurrera, raplarien emankizun bikainak Hamaika Telebistan eta www.hamaika.eus webgunean.

Joxan Goikoetxeak Xabier Leteren omenezko ‘Hesia urraturik’ oratorioa eskainiko du Arriagan

Joxan Goikoetxea musikari hernaniarrak “Hesia urraturik” oratorioa aurkeztuko du azaroaren 14an, Bilboko Arriaga Antzokian, arratsaldeko 19:30etan. Arriaga Antzokiak eta Bilboko Udaleko Euskara Sailak bultzatutako Literatura eta Musika Euskaraz zikloaren barruan antolatu da ekitaldia.

2010ean egin zen ziklo honen lehenengo edizioa, eta bertan, Xabier Letek bere azken agerraldietako bat eskaini zuen jendaurrean, “Egunsentiaren esku izoztuak” liburuaren aurkezpenari amaiera emateko. Leteren heriotzaren 10. urteurrena zela-eta, ‘Hesia urraturik’ obra estreinatu eta argitaratu zuen Goikoetxeak. 

Sarrerak leihatilan zein antzokiaren webgunean eskuratu daitezke.

Koldo Otamendi: ‘Guda Dantza taldeak garapen handia izan du musikalki hastapenetatik gaur egun jorratzen duen musikara’

Musika Zuzenean saio berri bat emitituko du gaur Hamaika Telebistak ostegunero legez, gaueko 22:00etan. Gaurkoan Guda Dantza talde Bilbotarra izango da protagonista. Koldo Otamendi aurkezlearekin luze eta zabal hitz egiteko aukera izan dute, haien hamar urteko ibilbideaz.

Zinebi Bilboko Dokumentalen eta Film Laburren jaialdiak 148 film proiektatuko ditu

Azaroaren 11tik 18ra egingo dute Zinebi Bilboko Dokumentalen eta Film Laburren Nazioarteko 64. Zinemaldia. Aurten, 148 filmek hartuko dute parte, eta filmen erdiak baino gehiago emakumeek zuzendutakoak dira. Euskarazko hiru film labur emango dituzte jaialdian: Ainhoa Olasoren eta Enara Garciaren 'Hemen bizi da maitasuna', Josu Martinezen 'Hitzak', eta Marta Gomezen eta Paula Iglesiasen 'Hondarrak'.

Aurten ere, tarte berezi bat eskainiko diote Ukrainari, 2022an ekoitzitako hiru film labur eta hiru film luze erakutsiko dituzte, eta tokiko zinemagile eta erakundeetako ordezkariak euren herrialdeak bizi duen egoeraz mintzatuko dira jaialdian.

Hiru Ohorezko Mikeldi banatuko ditu aurten: Agnieszka Holland gidoilari eta zuzendari poloniarrarentzat bat; Albert Serra zinemagilearentzat beste bat, eta berriki hildako Iñigo Salaberria zinemagile eta bideogile gipuzkoarrarentzat beste bat.
hamaika telebista

11 laguntzaile

Image