Kultura

All Stories

200 jarduera baino gehiago programatuko ditu Azkuna Zentroak 2021ean

Bilboko Alkate Juan Mari Aburtok eta Zentroko zuzendari Fernande Perez-ek 2020 urteko balantzea egiteko eta 2021eko programazioa aurkeztu dute prentsaurrekoan. Bertan azaldu dutenez, iazkoa urte zaila izanagatik, helburuei eutsi die zentroak eta martxotik ekainerako itxiera dela eta bertan behera geratutako ekintza guztiak berriz programatzea lortu dute.

Ane eta Akelarre filmak aretoetara bueltan

“Ane” eta “akelarre” euskal filmak zinema aretoetara itzuli dira Goya sariek bultzatuta. David Perez Sañudo eta Pablo Agüero zuzendarien lanak bost eta bederatzi izendapen jaso dituzte Espainiako Zinema Akademiaren sarietan eta horrek aretoetara eraman ditu bueltan, bigarren aukera emanez zaleengana heltzeko.

Zinema aretoetara iritsiko da gaur Caminho Longe dokumentala

Gaur estreinatuko da zinema aretotan Josu Martinez eta Txaber Larreategiren Caminho Longe dokumentala. Filmak Alfonso Etxegarai ETAkidearen bidea erakusten du, 33 urte deportaturik eman ostean Euskal Herrira itzuli zenekoa. Hego Euskal Herriko lau hiriburuetako eta Bartzelonako zenbait aretotan egongo da ikusgai lana.

Bizirik dirauten EAEko 449 euskal dantza katalogatu ditu Zatak elkarteak

Emilio Xabier Dueñasek gidatu du 23 ikerlariren lana, non Dantzan-ek ere parte hartu duen eta bost urteotan zehar Araba, Bizkaia eta Gipuzkoako 111 dantza bildu dituzte katalogoan. Dantzak katalogatzeko lanetan ari dira ere Lapurdi, Nafarroa, Nafarroa Behera eta Zuberoan eragile ezberdinek.

Aurtengo San Sebastian eguna etxean eta danborrada pantailaren bestaldean

Koronabirusaren pandemiak San Sebastian egunean ere eragina izan du, bestelakoa izango da aurtengoa, berezia oso. Jende pilaketarik, danborrada jendetsurik eta gaueko girorik ez dute izan kalean Donostiako eta Azpeitiko herritarrek. Aurtengo ospakizunak etxeetan eta danborrada pantailaren bestaldetik ikusi behar izan da.

Nerea Arrienen "Etxegabeak" eta Jon Arretxeren "Trumoiaren alaba" lanak aurkeztu ditu Erein Argitaletxeak

“etxegabetuak” du izena Nerea Arrien idazlearen azken eleberriak. Lekeitiarrak azaldu duenez, etxeari buruzko gogoeta bat dakar eleberriak. Ekitaldi horretan bertan Jon Arretxe basauritarraren “Trumoiaren alaba” lana ere aurkeztu zen. Sumatrako irlan kokatu du Arretxek bere azken nobela, ondo ezagutzen duen ingurua. 2004ko ezbeharra gogoan, tsunami batek ematen dio hasiera kontakizunari eta hori aitzakia hartuta, naturaren zaintzan jarri nahi izan du fokua sortzaileak.
hamaika telebista

Image