Abenduaren 18an jokatuko da Bertsolari Txapelketa Nagusiko finala Iruñeko Nafarroa Arenan. Hauek dira finalistak: Aitor Mendiluze, Alaia Martin, Amets Arzallus, Beñat Gaztelumendi, Joanes Illarregi, Maialen Lujanbio Nerea Ibarzabal eta Sustrai Colina. 13.000 bat lagun hartuko ditu Nafarroa Arenak, eta dena ondo atera dadin, Bertsozale Elkarteko 350 boluntario inguru lanean ariko dira.
Goizeko 11.00etan hasiko da finala, baina Nafarroa Arenako ateak bi ordu lehenago irekiko dira. Iñaki Muruak jantziko dio txapela 2022ko Bertsolari Txapelketa Nagusiko irabazleari. Halaber,bigarrenetik zortzigarrenera arteko sariak Irantzu Idoatek, Sagrario Alemanek, Edurne Azkaratek eta Paulu Zeddak emango dituzte.
Fito Rodriguezek Eider Rodriguez idazlea elkarrizketatuko du Booktegik antolatutako 'ElkarrizKatea' literatur saioan. Solasaldia Hamaika Telebistako 'Banda Zabala' saioan ikusi ahal izango da, igandean, 20:00etan.
Nogen eta Tremenda Jauriaren zuzenekoak eskainiko ditu Hamaikak zuzenean Atarrabiatik 19.20 - 23.00 artean.
Ez galdu Hatortxu Rocken zuzenekoa, Hamaika Telebistan. Arratsaldeko 19.20etan hasita Nogen talde donostiarra ikusi ahal izango dugu zuzenean Atarrabiatik. Nafarroako elkartasun jaialdiari buruzko bilduma berezia prestatu du gainera Hamaikak. Azkenik, Tremenda Jauria talde kataluniarraren zuzenekoa izango da protagonista. Gaueko 22.15etan hasiko da.
1993ko urtarrilaren 24an eman zuen taldeak agur-kontzertua. 80ko hamarkadan, estreinatu zen Hertzainak Gasteizen, eta ordutik, laster erakutsi zuten estilo propioa zutela.
Euskal Herri osoan zehar zuzeneko kontzertuak jotzen ari zirela, 1983ko udaberrian lehen diskoa grabatu zuten, 'Hertzainak'. Gero heldu ziren, 'Hau dena aldatu nahi nuke' (1985), 'Salda badago' (1988), 'Amets prefabrikatuak' (1990), 'Mundu berria daramagu bihotzean' (1991), 'Zuzenean' (1991) eta 'Denboraren orratza'k (1992) diskoak.
Taldeak agur esan zuen 1993an Donostiako Anoeta Belodromoan emandako kontzertu batekin. Hamaikak egun horietako irudiak bildu ditu, Hertzainak oholtzara bueltatuko den honetan. Izan ere, azken kontzertuak eskainiko ditu: abenduaren 16an eta 17an BECen, eta urtarrilaren 6an, Gasteizen.
