Abenduaren 16an eta 17an Barakaldoko BECen eskainiko dute kontzertua, eta azkena, urtarrilaren 6an, Gasteizen. Azken hau Mendizabalan izango da, karpa batean. 1981ean jaiotzen ikusi zuen hiriko publikoa agurtuko dute horrela.

'Azkena gure alde' lelopean egingo ditu taldeak bere azkeneko kontzertuak. Kasu denetan, 19:00etan irekiko dituzte ateak eta 20:00etan, gonbidatuen kontzertuak izango dira. Hertzainaken emanaldia, 22:00etan izango da. Ibilbidean jasotako berotasun eta maitasun guztia itzultzen saiatuko dira euren musikarekin.

Durangoko Liburu eta Disko Azokan izan gara egunotan, eta bertatik hainbat musikariren elkarrizketekin osatutako erreportaje berezia ekarri dugu aste honetako Musika Zuzenean saioan.

Ostegunean, 22:00etan, saio osoa ikusgai Hamaika Telebistan, www.hamaika.eus webgunean eta sare sozialetan. Ez hutsik eign!

'Gertu ditugu, gertu gaude' lelopean, abenduaren 17an ospatuko da Hatortxu Rock 27, Atarrabian. Guztira, 17 talde taularatuko dira, horietatik 9 berriak.

Madrilgo Arte Ederren Zirkuluan aurkeztu dute astearte honetan Zinemaldiaren Artxiboa. Larunbatean, berriz, Donostiako Tabakaleran egingo dute jendaurreko aurkezpena, arratsalde osoko jardunaldiarekin.

Donostiako jaialdiaren 70 urteko historia biltzen duen webgunea da Artxiboa. Denera, 4.000 dokumentu digitaletik gora bildu dituzte atari berrian. Zinemaldiaren eta Kutxatekaren funtsetako 3.000 argazki baino gehiago digitalizatu dituzte.

Artxiboa webguneak Donostia Zinemaldiak eta Elias Querejeta Zine Eskolak 2018an hasitako 'Zinemaldia 70: historia posible guztiak' proiektuaren lehen fasearen amaiera ekarriko du.

Amaitu da 57.Durangoko Azoka. Bost egunak oso jendetsuak eta giro onekoak izan dira, Landako gunean eta baita Azokako guneetan ere. Gerediaga elkarteko komunikazio arduraduna den Iñigo Expositok egin du balorazioa.