LAB sindikatuak apirilaren 25ean jarritako salaketari arrazoia eman dio Lan Ikuskaritzak. LABen ustez, CAF ekoizpenaren baldintzapeko behin-behineko kontratuen “iruzurrezko erabilera” egiten ari zen. Sindikatuaren arabera, CAFen egiten diren behin-behineko kontratuak “guztiz aurreikus daitezkeen lanak gauzatzeko dira”.

130 langile horiez gain, sindikatuak dio CAFen zuzendaritzak finko egin beharko dituela gainerako kontratu irregularrak dituzten langileak.

“Sagardui entzun, zu zara errudun” kartelak erakutsi dituzte. Osakidetzako garbiketa zerbitzuetako langileek ia 90 egun daramatzate greban, hitzarmena negoziatu nahian. Grebalariak Gurutzetako Ospitaleko sukaldea blokeatu dute arratsaldean. Bost urte daramatzate enpresa esleipendunekin hitzarmen kolektiboa negoziatzen, "baina enpresa horiek jarrera itxia agertzen dute", horien iritziz.

Osakidetzako zentroetako garbitzaileek akanpada hasi zuten joan den astelehenean Gurutzetako Ospitalearen aurrean.

Adierazi dute korporazioen menpeko erakundea izanik ezin dela izan transizio ekosoziala egiteko bidaide. Eta hala, negozio berdeko nitxo bat sortzeko helburua baino ez duela. Izan ere, klima larrialdiaz eztabaidatzeko Munduko Bankuaren bilera egiten izan dira egunotan BECen.

Martxa bat egin dute Miribillako parketik udaletxera. Bertan, udal plantillarekin batera, Juan Mari Aburtoren tokiko gobernuak negoziazio mahaian egindako promesak bete ditzala eskatu dute.

Suhiltzaileek duela hilabete batzuk hasi zituzten protestak, jokabide suiziden aurrean jarduteko beharrezko prestakuntza ukatu zietenean. Kolektiboaren eskaeren artean dago suhiltzaile-parke berri bat eraikitzea, Deustuko behin-behineko parkea ordezkatzeko, 11 urte baitaramatzate bertan lanean. Era berean, kritikatu egin dute osasun-langileen lanak egin behar izatea baliabide faltagatik.

ELA, CCOO, LAB eta ESK sindikatuek grebara deitu dute Bizkaiko esku-hartze sozialaren sektorea. Urte eta erdi baino gehiago hitzarmena berritu gabe egon ondoren, hala, langileek aurrerapauso bat ematea erabaki dute, osasuna arriskuan jartzen duten eta lan-baldintzak pobetzen dituzten neurrien aurka borrokatzeko.

Gaude eta Gorabide zaintza zerbitzuen elkarteek astebeteko greba deialdia abiatu zuten astelehenean. Hala, aniztasun funtzionalaren arloan pertsonei zerbitzu publikoa ematen duten bi elkarteak gaurkoan protesta egin dute Bilbon.

Nazioarteko hainbat erakunde pribatu eta publiko elkartu dira bertan klima larrialdiaren inguruan eztabaidatzeko. Karbono emisioen %23 bakarrik daudela zergapetuta azaldu dute lehen egunean.

Eskubide Sozialen Gutunak, EH Kapitalari Plantok eta Jauzi Ekosoziala plataformak protestak deitu dituzte. Lapurretak, txirotze prozesuak eta klima larrialdiaren eragileak finantzatu dituela salatzen dute. Bankuak bere jarduna “berdez tindatzeko” antolaturiko konferentzia bat dela diote.