Sindikatuek ez dute babestu zuzendaritzak aurkeztutako lan hitzarmenaren proposamena eta grebara deitu dituzte bi lantegitako langileak. Gipuzkoako lantegian langile batzordeak deitu ditu greba egunak; Gasteizen, berriz, gutxiengo sindikala izan da deialdia egin duena. Guztira, lau greba eguna egingo dituzte.

Bizkaiko ostalaritzan greba eguna dute, baldintza duinak exijitzen ari dira gaurko lanuzteetan. Izan ere, sektoreko langileek soldaten igoerarik gabe jarraitzen dute 2020ko urtarrilaz geroztik. Hala, sektoreko hitzarmena negoziatzeko blokeoa behingoz eteteko aldarrikatzen ari dira.

Gutxiengo sindikalak deitu du astearte honetako manifestazioa eta hainbat langile kalera atera dira lan hitzarmenean hobekuntza duinak eskatzeko. Horrekin batera, lau greba egingo dituzte ekainean, aurreikusita zegoen aste honetan egitea baina arazo burokratikoengatik atzeratu behar izan dituzte.

Ekainaren 5ean, 7an, 10ean eta 12an izango dira. Asteartean elkarretaratzea eta manifestazioa egingo dituzte.

Michelinek Gasteizen duen lantegiko enpresa batzordeak iragarri du ez dituela babesten ELA, LAB, CGT eta ESK sindikatuek deitutako greba eta mobilizazioak. Sindikatu horiek enpresa-batzordearen % 40 inguru ordezkatzen dute, eta lau eguneko grebarako eta hainbat mobilizaziorako deialdia egin zuten, lan hitzarmenaren negoziazioa dela eta.

Sindikatuak ez datoz bat proposamenarekin KPIrekin lotzen ez diren soldata-igoerei dagokienez, eta lanaldia murriztea edo behin-behinekotasuna murriztea ere eskatzen dute.

2022ko urrian hasi ziren negoziazioak eta bizkortu ez direnez greba deitu du LAB sindikatuak. Salbuaruako tranbia martxan jarri zenetik gidariek zuzendaritzak ezarritako lan txanda berriak dituzte. Salatu dutenez, lan txandak iraupen luzea, lan-karga handia eta denbora gutxiko etenak dituzte.Azpimarratu dutenez, horrek estresa eta segurtasun eza eragiten du.