Image

Ekonomia

All Stories

Bilboko aireportuko ibilgailuak bioerregaien bidez ibiliko dira hilabete honetan

Iberia Airpor Services konpainiako ibilgailuak dira. Petronorrek ekoitzitako erregai organikoa erabiliko dute: 5000 litro guztira. Erregai mota hori erabiliko duen lehen aireportua izango da Euskal Herrian eta Espainian. Hilabetean zehar 12,5 tona CO2 inguru gutxiago isurtzea espero dute.

Bioerregaia egiteko, zabor organikotik lortutako hondakinak erabiltzen ditu findegiak. Petronorrek eta Iberiak 2021ean sinatu zuten lankidetza hitzarmena. Iberiak iragarri du 100 milioi euro baino gehiago inbertituko dituela hurrengo bi urteetan 2025erako aireportuak karbono isurietan neutroak izateko.

Bizkaiko ostalaritzan lanuzteak egingo dituzte ekainaren 1ean, hitzarmen duin baten alde

Bizkaiko ostalaritzan ELA, LAB, CCOO eta UGT sindikatuek bederatzi orduko lanuztea deitu ekainaren 1erako. Sindikatuek salatu dute prezioak %15 garestitu diren arren, ostalaritza sektoreko langileen soldatak ez direla igo. Greba egunean, Bilbon manifestazioa egingo dute 20:00etan, Ledesma kaletik hasita.

ELA eta LAB sindikatuek Arabako zahar egoitzetan lehenengo greba eguna egin dute

Sindikatuek Arabako lehen hitzarmena negoziatzea eta sinatzea exijitzen dute; era berean, Bizkaiko eta Gipuzkoako adinduen egoitza pribatuen baldintzak izatea eskatu dute. ELAk eta LABek manifestazioa egin dute Gasteizen Plaza Berritik Aldundira; maiatzaren 23an, berriz elkarretaratzea egingo dute Los Desamparados plazan.
hamaika telebista

11 laguntzaile

Image