Euskal Herria

All Stories

Euskal artzain txakurra trebatzen hasi da EHU COVID-19a atzemateko

Ikerketa hasi du EHUk txakurren usaimenaz baliatuta, COVID-19a atzemateko. Gauzak horrela, berrehun boluntarioren izerdi laginak bilduko dituzte; positibodunen usain molekulak bereizteko. Ez da bilaketa lan erraza izango, baina usaimena trebatuta, eragozpenik ez dela egongo uste dute ikertzaileek.

Irunen euskararen aurka emandako epaia gaitzesteko adierazpen bat izenpetu dute Legebiltzarrean

EAEko Justizia Auzitegi Nagusiko 3. Atalak Irungo udaltzaingoaren zerbitzurako hamabi lanpostuetarako ezarri ziren hizkuntza-eskakizunei buruz emaniko epaiak kezka eta egoneza sortu ditu Legebiltzarrean. Auzitegi Nagusiak baliogabetu egin zuen Irungo udaltzaingoa izateko euskara jakin beharra, izan ere, uste du profil "diskriminatzaileak" direla euskaraz hitz egiten ez dutenekiko. Hori hala, Legebiltzarrean ordezkaritza duten EH Bildu, ElkarrekinPodemos-IU eta EAJ talde parlamentarioek, bat egin dute EAEko herri erakunde guztiek euskara normalizatzeko egiten ari diren lan eskergarekin.

Beste lau pertsona inputatu dituzte Osakidetzako Lan Eskaintza Publikoko iruzurrari lotuta

Gasteizko 2. Instrukzio Epaitegiko magistratuak beste lau pertsona inputatzea erabaki du Osakidetzako fakultatibo espezialisten lan-eskaintza publikoan egindako filtrazioengatik, eta, ondorioz, hamaika inputatu daude orain arte, LABek jakitera eman duenez.

B-Egiaz plataformak “ekinbide berriak” jarriko ditu abian, GAL nork antolatu zuen jakiteko

GAL ikertzeko sortutako B-Egiaz plataformak ostiralean iragarriko du Auzitegi Nazionaleko fiskaltzaren erantzuna. Plataformak, besteak beste, GAL nork antolatu zuen ikertzeko eskaera egin zuen, eta iragarri du ekinbide berriak abian jarriko dituztela egia osoa jakite aldera. Bestalde, ateak zabaldu ditu Biktimen Memorialak Gasteizen Espainiako Bankuaren eraikin zaharrean.

hamaika telebista

Image