Euskal Herria

All Stories

Euskalgintzak 'Euskara Aurrera' manifestazioan parte hartzeko deia egin du

Euskalgintzako hamabi eragilek bat egin dute ‘Euskara Aurrera’k deitutako manifestazioarekin. Maiatzaren 21ean egingo da manifestazioa, 17:30ean, Antiguako tuneletik abiatuta. Hizkuntza politiken aldetik, aurrerapauso baten beharra azpimarratuz, “herri bultzada berri bat” abian jartzera deitu dituzte euskaltzale guztiak. Azaldu dutenez, egungo hizkuntza politikak ez dira nahikoak euskarak dituen erronka eta zailtasunei erantzuteko.

Herriaren omena jaso du Xabier Amurizak Bizkargiko tontorrean

Xabier Amuriza omendu dute Bizkargin, Euskal Herriarengatik egin duen lan eta bere elkartasun guztiagatik. Gaztetxoa zela bertsolaritzan lehen pausoak egin zituen, Bizkargiko Santikurutzetik bueltan egin zuen lehenengoz bertsotan. Memoriaren ikur eta euskal kulturen gordeleku den Bizkargik bere esker ona eskaini nahi izan dio Amurizari 2022an. Bertaratutakoez gainera, AEKk, Sarek, bertsolariek eta Etxanoko lagunek omenaldi beroa egin diote Xabierri.

Abian da euskal ingurune digitaleko emakume gazteei zuzendutako II. Gladys Saria

Abian da euskal ingurune digitaleko emakume gazteei zuzendutako Gladys Sariaren bigarren edizioa. PUNTUEUSek eta EHUko Informatika Fakultateak, Gipuzkoako Foru Aldundiaren babesarekin, eta Danobatgroup industria-taldearen laguntzarekin martxan jarri den saria da. 2022an gehienez 40 urte beteko duten emakumeei zuzenduta dago, eta ekimenean parte hartzeko bi modu daude: nork bere hautagaitza aurkeztu dezake edo hirugarren pertsona batek hautagaia izendatu dezake. Gogoratu izena emateko epea ekainaren 20ra arte egongo dela zabalik proiektuaren webgune ofizialean.

Arabako, Bizkaiko eta Gipuzkoako nekazaritza ekologikoak goranzko joerari eusten dio

Nekazaritza eta Elikadura Ekologikoaren Kontseiluak argitara eman ditu Arabako, Bizkaiko eta Gipuzkoako nekazaritza ekologikoaren inguruko iazko datuak. Horiek erreparatuta, goranzko joerari eusten zaiola ikus daiteke. Gero eta nekazari gehiagok ekoizten dute parametro ekologikoei jarraituz. Horien artean, azpimarratzekoa, gipuzkoarrak direla era ekologikoan ekoizten duten gehienak, 283 izanik. Aldiz, Araba da oraindik ere ziurtatutako azalera handiena duen lurraldea, EAEko lur ekologikoaren % 59arekin.

Nafarroako hamar kultur sortzailek tortura kasuak ikertzeko eskatu dute

Nafarroako hamar kultur sortzailek torturatuen aitortza eta erreparazioa eskatu dute. Tortura kasuak ikertu ditzaten ‘Tortura, demagun epea dagoeneko amaitu dela’ manifestua kaleratu dute.
Ekainaren 25, Torturaren Biktimak Babesteko Nazioarteko Egunaren bezperan, Torturatuen Sareak Iruñean deitu duen manifestazioan parte hartzeko deia egin dute. Ez da anetzeko eskaera bat egiten den lehen aldia.
1983an, Jose Luis Lopez Aranguren filosofoak eta Carlos Castilla del Pino psikiatrak ‘Torturaren aurkako proposamen egonkortzailea’ izeneko idatzia argitaratu zuten.

hamaika telebista

11 laguntzaile

Image