Euskal Herria

All Stories

100 urtetik gorako pertsonak txertatzen hasi dira Araban, Bizkaian eta Gipuzkoan

Azken 24 orduetan 303 positibo berri atzeman ditu Osakidetzak, 6.646 test diagnostiko egin ondoren. Kopuru hori aintzat hartuz, positibotasun tasa %4,6koa da. Bestalde, gaur adineko pertsonak txertatzen hasi dira, 100 urtetik gorakoak. Euskal Autonomia Erkidegoan 1.800 pertsona inguru dira adin tarte horretan daudenak.

Kartzeletan komunikazio eta lekualdatze oro baliogabetu izana salatu dute Sarek eta Etxerat-ek

Espainiako beste 16 erakunderekin batera Sarek eta Etxerat-ek salatu dute Espainiako espetxeek ia hilabete daramatela blindatuta eta komunikazio eta lekualdatze guztiak bertan behera utzi dituztela. Horrek presoen eta haien ingurukoen eskubideen aurkako benetako erasoa suposatzen duela adierazi dute. Presoen eskubideak orain dela urtebete alarma egoera ezarri zenetik urratzen direla gaineratu dute. Harrezkero, itxiera perimetralak egon dira, bertan behera utzi dituzte familiako komunikazioak eta bisitak mintzalekuan egin behar izan dituzte.

Iparra-Hegoa elkarteak ‘Bizi gira...kutxa bira!’ ekimena antolatu du

Iparra-Hegoa ekimen politiko-kulturalak Bizi gira… kutxabira! dinamika jarri du abian. Iruñean aurkitu dute dinamika aste honetan, eta Euskal Herri osoa eta diaspora zeharkatuko ditu ekimenak. Argentinako Viedma hiriko Euskal Etxean hasiko da martxoaren 20an, eta Euskal Herrira ailegatuko da ondoren; bi hilabetez egongo da bertan. Datorren astelehera arte irekita egongo da izena emateko epea.

'Gaur irekiko ditu ateak' dokumentala Hamaika Telebistan

Asteburu honetan 'Gaur irekiko ditu ateak' dokumentala emitituko dugu Hamaika Telebistan. Eriz Zapirain errealizatzaileak 2016. urtean egin zuen lanak Euskaldunon Egunkariaren sorrera jorratzen du, hainbat protagonistaren hitzak bilduz.

Asteburu osoan ikusi ahal izango da Hamaika Telebistan: ostiralean 23:00etan, larunbatean 15:00etan eta igandean 21:00etan. Ez galdu!

hamaika telebista

Image