Munduko Bankua klima larrialdiari buruz eztabaidatzen ari da egunotan BECen, eta hainbat eragilek protestak deitu dituzte. Alaitz Ajuriagerra Jauzi Ekosozialeko kideak salatu du klima larrialdiari aurre egiteko “negozio nitxo berde bat saltzera” etorri direla, “neooptimismoan” oinarritutako soluzioak ematera, eta “lobby energetikoen eta elite ekonomikoen artean negozioa” egitera.
Erakunde horiek jo ditu, ordea, krisiaren “erantzuletzat”, eta horren aurrean, “bestelako eredu eta politika publikoak” behar direla azpimarratu du: “Krisi ekologikoaz gain, hainbat krisi bizitzen ari gara gizartean, eta erantzun bateratu eta integralak behar ditugu”. “Aliantza garaia” dela dio, eta nabarmendu du soluzioa herritarrengandik etorriko dela, eta ez elite ekonomikoengandik.

Gaude eta Gorabide zaintza zerbitzuen elkarteek astebeteko greba deialdia abiatu zuten astelehenean. Hala, aniztasun funtzionalaren arloan pertsonei zerbitzu publikoa ematen duten bi elkarteak gaurkoan protesta egin dute Bilbon.

Kultur aniztasunaren eguna ospatzeko Iruñean harrera instituzionala egin die alkateak hainbat elkarteri. Bestalde, hainbat eragilek salatu dute San Ferminetako aniztasun jaigunea paratzeko dituzten trabak.

Migratzaile bat “modu bidegabean” kanporatuko dutela Bilbotik salatu dute hainbat eragilek. Izan ere, Bilboko Udalaren laguntzarekin hiriburutik kanporatu dutela ohartarazi dute Atxuri harrera sarea, Bizkaiko SOS Arrazakeria eta Ongi Etorri Errefuxiatuak eragileek.

Helburua da Tourraren bidez munduari erakustea Euskal Herriak zazpi lurralde dituela eta erabakitzeko eskubidea daukala. Hala, lasterketa pasatzen den tokietan “ikurrin uholdea” sortzea du xede egitasmoak.

Lasterketak Bidasoa zeharkatzen duenean, ekimen berezia egingo dute.‘1.000 ikurrin baietz’ proposamenari helduz, Ipar Euskal Herrian 4.000 bandera banatuko dituzte.

Crowdfunding kanpaina bat abian da inoiz egin den ikurrinik handiena sortzeko.

Nazioarteko hainbat erakunde pribatu eta publiko elkartu dira bertan klima larrialdiaren inguruan eztabaidatzeko. Karbono emisioen %23 bakarrik daudela zergapetuta azaldu dute lehen egunean.

Eskubide Sozialen Gutunak, EH Kapitalari Plantok eta Jauzi Ekosoziala plataformak protestak deitu dituzte. Lapurretak, txirotze prozesuak eta klima larrialdiaren eragileak finantzatu dituela salatzen dute. Bankuak bere jarduna “berdez tindatzeko” antolaturiko konferentzia bat dela diote.

Euskararen inguruko eztabaida politikoak bere horretan jarraitzen du. Nafarroan euskararen ofizialtasuna eskatzeko borrokan jarraitzen dute. Baluarte Plaza eta Gazteluko Plaza lotu ditu giza kateak euskararen ofizialtasuna aldarrikatzeko. EHEk hurrengo legealdia euskararen ofizialtasunarena izateko eskatu die alderdiei. Horren inguruan hitz egiteko Sugoi Etxarri Euskal Herrian Euskarazeko kidea elkarrizketatu dugu.

Iberia Airpor Services konpainiako ibilgailuak dira. Petronorrek ekoitzitako erregai organikoa erabiliko dute: 5000 litro guztira. Erregai mota hori erabiliko duen lehen aireportua izango da Euskal Herrian eta Espainian. Hilabetean zehar 12,5 tona CO2 inguru gutxiago isurtzea espero dute.

Bioerregaia egiteko, zabor organikotik lortutako hondakinak erabiltzen ditu findegiak. Petronorrek eta Iberiak 2021ean sinatu zuten lankidetza hitzarmena. Iberiak iragarri du 100 milioi euro baino gehiago inbertituko dituela hurrengo bi urteetan 2025erako aireportuak karbono isurietan neutroak izateko.