Sakonean

All Stories

Garbiñe Elizegi: "Aroztegiako makroproiektua, bai ala bai gelditu behar dugu"

Ostiraletik erresistentzia egiten ari dira Aroztak kolektiboko kideak eta hainbat herritar Aroztegia makroproiektuaren obrak eteteko asmoz. Ostiralean izan zen Hamaika Telebista bertan, eta Garbiñe Elizegik gatazkaren jatorria eta gakoak azaldu dizkigu. Elkarrizketa osoa ikusteko aukera izanen da Nafarroa Gaur albistegian; bihar, 21:30ean, Hamaika Telebistan.

Realaren garaipena barrutik

2021eko apirilaren 3a txuri urdinen historian markatuta dagoen data da. La Cartujan jokatutako iazko Espainiako Kopak zoriontasunez bete du familia txuri urdin osoa. Realzale guztiek ikusi dute finala, baina gutxik ikusi dute zer gertatu zen atzealdean. Bidaia, aurretiko entrenamendua, hotelean zeudeneko momentuak, urduritasuna, tentsioa, ospakizun intimoena...

Txertaketa kanpainen artean ezberdintasun handiak izaten ari dira abiadurari dagokionean

Oztopoak oztopo, badirudi txertaketa kanpaina abiada hartzen hasia dela Euskal Herrian. Aldi berean baina, etengabeak ari dira izaten aurreikuspenak betetzea zailtzen duten ezustekoak ere.

Azkena Janssen txertoaren atzerapena izan da. Aste honetan bertan Johnson & Johnsonen txertoaren 11.000 dosi baino gehiago jasotzekoak ziren Hego Euskal Herriko erakundeak. Dosiak Europara bidali aurretik ordea, azken unean exportazioak oraingoz etetea erabaki du enpresak AEBetan 7 milioi dosirekin 6 tronbo kasu detektatu ondoren.

Txertaketa kanpaina oso ezberdina izaten ari da munduan.

Klima aldaketaren aurkako legea “aukera galdua" da ekologisten iritziz

Krisi klimatikoari aurre egiteko lehen legea Madrilgo Diputatuen Kongresuan onartuta, Iñaki Barcena Ekologistak Martxaneko Kidearekin eta Joserra Becerra Equo Berdeak-eko bozeramailearekin aritu gara.

Ekologistek salatu dute legea "aukera galdua" izan dela, “berandu” datorrela eta “mugatua” dela nabarmendu dute; gabeziak eta hutsuneak dituela adierazi dute, batez ere bere helburuei dagokionean. Deskarbonizaziorako emisioen murrizketen helburua Nazio Batuen Erakundeak gomendatutakoaren erdian kokatu du Legeak.

Azaldu dutenez, nahiz eta “aurrerapauso” bat izan hainbat alorretan, erregai fosilen zundaketen debekuan esaterako, trantsizio ekologiko “justurako” beste hainbat gako ez ditu barnebiltzen legeak.

hamaika telebista

Image