Bergarako Udalak II. Monzon-Ganuza sariarekin aitortu nahi izan die Jose Luis Elkorori eta Mari Karmen Ayastuyri eginiko lana. Euskal Herriaren alde bizitza betea eman dute. Euskara min eta lehentasun. Ayastuyk etxeko atea ireki dio Hamaikari.
Sakonean
All Stories
Zaintza lana pertsona guztien ongizaterako eta jarduera sozial nahiz ekonomikoari eusteko ezinbesteko lana da. 2020an etxeko konfinamendua iritsi zenean, agerian gelditu zen sektore honetan zegoen krisia eta zaintza sostengatzeko ezintasuna. Arrakala horiek, ordea, pandemiaren aurretik ere gurean ziren.
Zaintzaren krisi honen erdian, emakume adindu askoren errealitatea da urte asko eman dituztela lanean, baina etxeko lanetan. Hau da, soldatarik izan ez dutenak, eta beraz, kotizatu ez dutenak. Desoreka hori gainditzeko, gizonezkoak, emakumezkoak, erakundeak eta gizartea bera zaintzarekin konprometitu behar dira.
Martxoaren 3a egun adierazgarria da Gasteizen. Urtero bezala, 1976ko egun horretako sarraskia gogoratuko dute, gertakizunen 46. urteurrenean. Egia, justizia eta erreparazioaren bidean, Nerea Martinez Aranburuzabala Martxoak 3 elkarteko bozeramaileak elkarteak erdietsi dituen lorpen garrantzitsuak nabarmendu ditu, baina justiziaren aldetik oraindik ere aurrerapausoen zain daudela adierazi du.
Inauteriak atarian, Arabako txoko askotan ospakizunak prestatzen ari dira. Tartean, Kanpezun, Mendialdea IPI ikastetxeko ikasleek mozorroak egiten hasi dira, bertako herri inauteriak gaitzat hartuta.
Zinegoak LGTBI zinema eta arte eszenikoen jaialdiak Bilboko kaleak hartuko ditu, otsailaren 28a eta martxoaren 7a bitartean. Jaialdiaren 19. edizioak ahotsa emango die nahi bezala bizitzeko borroka egiten duten pertsonei, eta oraingo honetan, Albertina Carrik, zinemagile eta ekintzaile argentinarrak, jasoko du festibalaren sari nagusia. Aurtengo edizioa aurrez aurre izango da, baina leiho digitala ere zabalduko dute 'filmin' plataformaren bitartez. Hamaika Telebistako lantaldea Julen Nafarrate Aurrekoetxea eta Maren Gonzalez Zubeldia Zinegoak jaialdiaren arduradunekin izan da.
Hernani Burujabe proiektuaren baitan azoka burujabea antolatu dute pasa den asteburuan. Bederatzi postu jarri dituzte orotara, energia, elikadura, zaintza, moneta, merkataritza, etxebizitza, bioaniztasuna, kultura eta telekomunikazioaren inguruan lantzeko eta informatzeko helburuarekin. Hainbat herritar izan dira bertan horien inguruko proiektuak ezagutzen. Giro ederra sortu da, denak helburu berarekin: herri burujabeago baterako bidean.
Gauretik Sortuak Udalbiltzak sortutako kultura proiektu bat da. Euskal kultura eta euskal sortzaileak sustatzeko helburuarekin abiatu zen, euskal kulturaren egoera larria zela ikusita, eta are gehiago covid-19ak eragindako une honetan.
Hasieran, artistentzako beka deialdia atera zuten. Bertan izena eman zuten 73 artisten artetik, 26 izen izan dira hautatuak. Artista horietako bakoitzari, proiektu hau babesten duten udalerrietako bat esleitu zitzaion, herri horietan egonaldiak egin zitzaten. Hiru astez bertan izan dira, herriaren historia jasotzen, bertakoekin hitz egiten eta ingurumarietan ibiltzen. Egonaldi horien ondoren, bost antzerki lan, beste bost film labur eta bi liburutan bildu diren hamasei literatura pieza sortu dira.
Hilabete igaro da A-636 errepidean, Bergara eta Beasain artean, bidesaria martxan jarri zutenetik. Jendearengan haserrea piztu du eta hainbat izan dira azken hilabeteotan egin dituzten mobilizazioak. Esaterako, larunbaterako beste manifestazio bat deitu dute Beasainen.
Amurrioko gazteek kintoak ospatu dituzte asteburuan. Aurreko urtean, pandemiaren egoera zela eta, ospakizuna ekainera arte atzeratu behar izan zuten. Aurten, ordea, urteroko data berreskuratu ahal izan dute, hots, Agate Deunaren egunaren bueltan, eta jai giroa izan da nagusi 2004an jaiotakoen artean.
- Agustin Aizpurua: 'Usansolo ez da herria Udalak ez duelako borondate politikorik izan'
- Janire Lazkano: ‘Ez zen istripua izan, zuhurtziagabekeriazko hilketa onartu zuten'
- Julen Eizagirre: 'Abiapuntua arauan bertan jarri behar genuela ikusi genuen'
- Igandean Ermuan biltzeko deia egin dute, Zaldibar argitzen jarraitzea helburu
- Julen Perez: ‘Ekoizpenaren erdia galdu dugu. 1.100 ahate hil dituzte, ia 100.000 euro dira’
- Hertzainak 19191
