Image

Gure begiz

All Stories

Patxi Gaztelumendi: ‘Elexpururen desobedientzia ekintzak ez du ondoriorik izan momentuz’

Kirol Anitzeko Europako Triatloi Txapelketa ospatzen ari dira Bizkaian. Europa osoko kirolariak etorriko dira Euskal Herrira txapelketan parte hartzera, baina antolatzaileek iragarri dute Espainiako edo Frantziako elastikoa jantzi beharko dutela euskal jokalariek, eta hori egin ezean deskalifikatu egingo dituztela. Dena den, Juan Martin Elexpuruk Espainiako jantziei uko egin eta bere klubekoekin hartu du parte beteranoen Europako Duatloi Txapelketan. Gu Ere Bai taldeak keinu bera egitera animatu ditu aste barruan ariko diren euskal kirolariak. Taldeko bozeramailea da Patxi Gaztelumendi, harekin aztertu dugu gaia eta euskal selekzioak eratzeko aukeraz, EAJ, EH Bildu eta PSE-EEren akordioaren ondotik.

Frankismoaren krimenen aurkako plataforma: ‘Botereek ez dute nahi inondik inora ere frankismoa judizializatu’

Rodolfo Martin Villa Argentinako Zigor Kasazioko Ganberan deklaratzekoa zen telematikoki aurreko astean, 1976ko martxoaren 3an Gasteizen izandako sarraskian eta 1978ko Iruñeko San Fermin jaietan egindakoari buruz. Saioak eman zuena eta hemendik aurrera espero dutenaz aritu zaigu Josu Ibargutxi, frankismoaren krimenen aurkako euskal plataformako kidea.

Aitor Urresti, EHUko irakaslea: ‘Kolokan dago zein eredu nahi den aurrera eraman trantsizio energetikorako’

Aitor Urresti EHUko irakaslea eta energia berriztagarrietan adituak trantsizio energetiko justu baterako bidean kontuan izan beharreko gakoez aritu zaigu. Kudeaketa eredua eta planifikazioa azpimarratzeaz gain, energia kontsumoa murrizteko bideari erreparatu dio.

Pantailak Euskaraz: ‘Ez da onargarria Zinemaldian bi hizkuntza ofizialen arteko berdintasuna ez bermatzea’

Pantailak Euskaraz plataformako bozeramailea da Alex Aginagalde, eta berarekin aztertu dugu euskarak pantailetan bizi duen egoera. Donostiako Zinemalditik hasita, Euskal Herriko zinemen, telebisten eta streaming plataformen argazkiarekin jarraituz. Egoera iraultzeko euskal instituzioen inplikazioa beharrezkoa dela nabarmendu du.

Garbiñe Biurrun: 'Presoen birgizarteratzea errazteko beharrezkoak dira hurbilketak'

Garbiñe Biurrun EAEko Auzitegi Nagusiko epaile eta magistratuari justiziarekin zerikusia duten hiru galdera planteatu dizkiogu; euskal presoen eskubideetan zer aldatu den azken urtean judizialki, Madrilgo Botere Judizialaren Kontseilu Nagusiaren blokeoaren egoeraz eta Sexu Askaatsunaren Legeak ekarriko dituen aldaketez.

Asier Blas, EHU: 'Gerraren amaieran Ukrainak duen zeresana oso txikia da, mendebaldearen menpe dago

Krisi energetikoa areagotu besterik ez da egiten ari hilabeterik hilabetera. Errusiak Alemaniara bitarteko gasaren txorrota era mugagabean ixtearekin batera larriagotu da egoera. Asier Blas EHUko zientzia politikoko irakaslearekin aztertu dugu egoera ardatz geopolitikotik.

Gainera, Erresuma Batuko etorkizunaz ere aritu da, Liz Trussek Boris Jhonssonen lekukoa hartu ondoren. Haren hautaketan errelatoak, sare sozialek eta diskurtsoek izan duten eragina aztertu du.

Jon Ordoñez, [Berria]: 'Txileko Konstituzio berriaren gainean albiste faltsuak gailendu dira'

Txileko Konstituzio berriaren proposamena ez da aurrera atera. Ezezkoa gailendu da atzoko galdeketan; hamar herritarretatik seik bozkatu du Konstituzio berriaren aurka. Estatu parekidea, plurinazionala, soziala eta ekologikoa ezarri nahi zuen Txileko konstituzio berriak, emakumeen eskubideak eta indigenen eskubideak bermatuz. Emaitzak aztertu ditu Jon Ordoñez BERRIAko kazetariak.

hamaika telebista

11 laguntzaile

Image