Ibon Meñika: "Memoria gaur egiten den zerbait da, biharkoa eraikitzeko"

Ibon Meñika 'Gernika memoriaren lekuko' elkarteko kideari elkarrizketa egin diogu Hamaika Telebistan. Apirilaren 26an 84 urte beteko dira Kondor Legioak Gernika bonbardatu zutenetik, eta gertatu zena gogoratzeko hainbat ekitaldi antolatu dituzte datozen egunetarako.

Meñikak azpimarratu du Gernika "memoriaren leku" dela, eta horrela izaten jarraitzeko erantzukizuna dutela: "Guretzat memoria bizirik dagoen zerbait da", laburbildu du. Zentzu horretan, azpimarratu du 45 urte geroago transmisioaren haria ez dela eten, baina aldi berean, azaldu du hari horretako protagonista zuzenenak, bonbardaketa lehen pertsonan jasan zutenak, desagertzen ari direla, eta nabarmendu du beren lana dela testigantza horiek jasotzea eta zabaltzea. Zentzu horretan, nabarmendu du memoria iraganarekin lotzen dela askotan, baina gaur egiten den zerbait dela dio, "gaurko errealitatea interpretatzeko zerbait, eta etorkizuna eraikitzeko balioko diguna".

Gernika memoriaren lekuko elkarteko kidearen esanetan, Estatu espainiarrak ez dauka "gaitasunik" bere historiaren aurrean jartzeko, eta zentzu horretan, Gernika oso lekukotza "desorosoa" egiten zaiela dio. Bere esanetan, ionizko eztabaidarik "bizienaren" erdigunean dago transmisioaren gaia, eta zentzu horretan, memoria eraikitzen jarraitzea "gure buruak zaintzea" ere bada.

Meñkaren esanetan, Gernikak transzendentzia handia du Euskal Herri osoan, eta zentzu horretan, euskal herritarren eskubideekiko aldarrikapenerako eszenatokia ere izatea nahi dute: "Oraindik ere lurpean jarraitzen du gure memoriak, eta hori azaleratzea ezinbestekoa da".

Etorkizuneko erronkak hizpide, Meñikak nabarmendu du bonbardaketaren osteko berrikuntzaren testuinguruak "emakume aurpegia" duela, eta memoria hori eraiki gabe dagoela oraindik: lantegietan lanean aritu zirenak, transmisioan... Bide horretan, eta Gernikak "bizirik" jarraitzen duela aldarrikatzeko sortu dute 'Gernika bizirik' abestia: "Hazia eraikitzen duen, eta aurrera begira jartzen gaituen zerbait izatea nahiko genuke", azaldu du Meñikak.

Zerikusia duten artikuluak