20 bat eragilek adierazpen baten bidez beren gain hartu dute Santiago zubitik metro gutxira eginiko agerraldian joan zen martxoaren 14an eginiko desobedientzia zibileko ekintza. Korrikaren lehen egunak Irun eta Hendaia arteko bidea egin zuen; hori aprobetxatuz, Afrikatik etorritako 36 pertsonek zeharkatu zuten Santiago zubia. Dozenaka lagunen konplizitatearekin, gainditu zuten muga administratiboa. Ekintza horrekin “Europa Gotorlekuaren immigrazio politika errepresibo”» salatu nahi izan dute. Horrekin batera, “mugak behin betiko irekitzea eskatu dute”.