Image

Nafarroa Gaur

Iñigo Balbas, LABeko ordezkaria: 'Adierazgarria da Nafarroako Gobernuak nola tratatu duen azkeneko lau urteetan zerbitzu hau'

Plangintza zaharkitua, estrategia falta, medioen eskasia eta suteen gaur egungo egoerari aurre egiteko zailtasunak mahai gainean jarri ditu, LABeko ordezkari den Iñigo Balbas suhiltzaileak.

Iñigoren hitzetan, Nafarroako Gobernuak ez du estrategia zehatzik eta zerbitzuak 30 urte baino gehiago dituen plan baten gainena jarraitzen du lanean. Modu honetan, garai eta larrialdien izaeraren aldaketarekin, ezinezkoa egiten zaie herritarreni behar bezalako zerbitzua eskaintzea.

 

Sabino Cuadra: 'Hispanitatearen eguna fraude hutsa da'

Inperialismorik gabe, ezin daiteke Hispanitatearen eguna ulertu. Hala uste du Sabino Cuadrak Espainiar estatuaren jai egunaren zentzugabekeriaz mintzatu garenean. Gaztetik militantzian sartuta, gerora abokatu laboralista lanetan, eta azkenik Madrilgo Kongresuan Amaiurreko ordezkari izan zen. Gaur egun erretiratua dagoen arren, ez du kontzientzia politikoa alde batera utzi. Bere ibilbideaz eta hispanitatearen egunaz hitz egiteaz gain, frankismoaren herentziaz, monarkiaz, torturaz eta oroimen historikoaz mintzatu gara Sabinorekin.

Txantreako kale berriak frankismo garaiko emakume errepresaliatuen izenekin izendatzea eskatu dute

Txantreako kale berriak frankismo garaian errepresaliatuak izan ziren emakumeen izenekin izendatzea eskatu dute. Txantreako hegoaldea hazten ari da eta auzoan oraindik izenik ez duten kale berriak sortu dira. Iruñean emakume izena dutenak oso gutxi direla jakinda, oposizioko talde politikoek proposamen bat egin zuten. Nahiz eta udalean proposamena onartu, azken erabakia alkatetzaren esku dago.

Txantrean plataforma bat sortu da erabakia babestu eta emakume horien istorioa ezagutzera emateko.Plataforma Txantreako memoria historikoa lantzen duten taldeek, talde feministek, Txantreako gazte-taldeek eta TX Auzo ekimenak osatzen dute.

Josefina Lamberto hil da, Maravillas Lambertoren ahizpa eta oroimen historikoaren defendatzailea

93 urte zituela hil da Josefina Lamberto. Nafarroako oroimen historikoaren alde borrokatzeagatik zen ezaguna. Larragan (Nafarroa) jaio zen, 1929. urtean. Ama, Paulina, Alloko etxekoandre bat zen, eta aita, Vicente, herriko nekazari sozialista.

1936an aita eta ahizpa eraman eta hil egin zituzten falangistek. Josefinak orduan zazpi urte besterik ez zituen, Maravillasek, 14. Aita fusilatu egin zuten falangistek eta haren gorpua desagertuta dago geroztik. Maravillas, ostera, bortxatu, hil eta erre egin zuten.

Bere historia ez ahazteko borrokan egin du, munduak gertatutakoaren egia jakin dezan. Juan Luis Napal eta Virginia Senosiainek Josefina Lambertori buruzko dokumentala egin zuten 2020an, Larragako emakumearen testigantzekin. Maravillasen ahizpa izateaz haratago, Josefinak bere istorio propioa duela aldarrikatzea izan du helburu dokumentalak.

'Hezurren Memoria: 1936an Larragak garesti ordaindu zuen lurra banatzeko egindako ahalegina'

Dokumentalaren inguruan: Juan Luis Napal (Zinema ekoizlea): "Josefina Lambertok gorriak eta beltzak ikusi izan ditu"

Amaiuraldirako dena prest, etorkizunari begira, Amaiurko batailaren 500. urteurrena gogoan

Amaiuraldiak batailaren 500 urteak gogoratuko ditu ekainaren 5ean. Nafarroa Berriz Altxak antolatuta, Elizondo, Amaiur eta Baztango kideekin batera, datorren ekainaren 5ean Amaiuraldia ospatuko da, etorkizunari begira batailaren 500 urteak gogoratuz. Jai egunak hiru kilometroko ibilaldia eta herri bazkaria izango ditu.

Nafarroako 0-3 plataformako kideek pardel zikinak bota dizkiote Chiviteri

Maiatzaren 2an abiatu zuten Nafarroako 0-3 haur eskoletako langileek greba mugagabea. Koordinazio organoa atzo bildu zen hirugarrenez, auziari irtenbidea bilatzeko.


0-3 plataformako kideek ratioak jaistea, soldatak igotzea eta langileak gehitzea eskatzen dute. Gobernuak, euren aldarriak betetzen ez dituen proposamena egin die greba eteteko eskatuz. Langileek grebari eustea erabaki dute. Hartzen ari diren erabaki eta jarreren aurrean, Nafarroako Parlamentuan pardelak bota dizkiote Maria Chivite Nafarroako lehendakariari osoko bilkurara iristen ari zela. 


Horrez gain, aurrekontuetan aldaketak ezartzeko lan politikoa ahalik eta arinen egitea eskatzen dute langileek. Espero dute datorren asteazkeneko bileran Foru Gobernuak "finantza-mailan definitutako eta argi eta bermatuta proposamen bat" egitea.

Nafarroa Berriz Altxa: 'Nafarroak eta euskal komunitateak burujabe behar dute XXI mendeko erronkei heltzeko'

Duela 501 urte Gaztelako konkistatzaileen aurrean matxinatu ziren iruindarrak omendu ditu ekimen hiritarrak. Honekin batera, Nafarroa jazarri zutenen omenez dirauten kale izendegiak eta ikurrak seinalatu dituzte, tokirik ez dutela aldarrikatzeko.

Joseba Compainsek nabarmendu du Nafarroak, baita euskal komunitateak, oro har, burujabetza beharrezkoa garaiotako beharrei aurre egiteko.

Gauzak honela, ekainaren 5ean Baztanen antolatu duten Amaiuraldian parte hartzera dei egin du ekimenak “lau haizetara zabaldu dadin burujabetzaren aldeko aldarria”.

hamaika telebista

11 laguntzaile

Image