Igandean ospaturiko ez-ohiko asanblada orokorrean Luis Sabalza presidentea berriro ere lehendakarigai izatea ahalbidetuko duen barne araudiaren erreforma eta kluba 50 urtez zorpetuko duen Liga eta inbertsio funts baten arteko akordioari argi berdea eman zieten.

Emakumezkoetan Arraun Lagunak-ek irabazi du Kontxako bandera, aurrenekoz klubaren historian eta gizonezkoetan Santurtzik, 36 urteren ondoren. Donostiakoek zein Ezkerraldekoek lehia estua burutu dute Orio eta Hondarribiaren aurka eta gutxigatik eraman dute Bandera.

20 ontzik hartuko dute parte aurtengoan, 2019an bezalaxe, inoizko kopururik handiena eta ikusteko dago zeintzuk lortuko duten banderaren lehian egoteko txartela. Publikorik gabe jokatuko dira gaurko emakumezkoen zein biharko gizonezkoen sailkatze faseak.

Frantziako gobernuak euskal pilotaren estatusa aldatzeko intentzioari buruz galdetu du aste honetan Max Brisson senatari baionatarrak Parisko goiko ganberan. Hurrengo munduko txapelketa Biarritzen izango da 2022an, baina Frantziako gobernuak goi mailako kirol moduan ez badu hartzen, euskal pilotaren etorkizuna mehatxatuta egongo litzateke.

Ama Guadalupekoa eta Lugañene ontziak garaitu ziren atzo Lekeition izandako lurraldeko txapelketan. Donostiako taldearentzat bere lehen Euskadiko Txapelketa izan da, Hondarribiarentzat, berriz, zazpigarrena. Gainera, atzokoarekin Ioseba Amunarriz bandera gehien irabazi dituen patroia bihurtu da.

Euskadiko Traineru Txapelketa, udako hitzordu garrantzitsuenetako bat arraun munduan, gaur ospatuko da Lekeition, 18.00ean. Lehian izango dira Gipuzkoako eta Bizkaiko Txapelketetan lehen lau postuetan amaitu zuten ontziak.