Gurean gaur

All Stories

Ibon Caballero: "Tubacexekin negoziaziorako tartea hurrengo asteazkenean amaitzen da"

Ibon Caballero Tubacex enpresako langilea elkarrizketatu dugu Hamaika Telebistan. Greba mugagabean daude duela hiru astetik Tubacexeko langileak, enpresak iragarri dituen 150 kaleratzeei aurer egiteko. Caballerok dioenez, %100 jarraipena izaten ari da. Gaur goizetik bilduta daude enpresaren zuzendaritza eta langileen ordezkariak, baina oraindik berririk ez dutela nabarmendu du. Datorren asteazkenean amaitzen da negoziaketarako epea, eta ordurako zerbait lortzea espero duela adierazi du.

Paperik gabeko haurtzaroa: etengabeko beldurraren, isiltasunaren eta diskriminazioaren artean

Hego Euskal Herrian, orotara, paperik gabeko 12.621 adingabe daude; Europako Batasunetik kanpoko jatorria duten familietako haur guztien %25,91 dira horiek. Horrek esan nahi du Hego Euskal Herriko familia migratzaileetan bizi diren lau umetik bat egoera irregularrean dagoela. Baina horrek zer suposatzen du?

Europar Batasunetik at dabiltza txerto bila hainbat estatu

Austria eta Dinamarkak iragarri dute Israelekin elkarlanean jardungo dutela hemendik aurrera Covid-19aren aurkako txertoarekin zerikusia duten gaietan. Sebastian Kurz Austriako Kantzilerrak eman du albistearen berri. Ostiral honetan bilduko da Kurz Benjamin Netanyahu lehen ministro israeldarrarekin.

Austria eta Danimarka ez dira Brusela txertoaren banaketan egiten ari den kudeaketa kritikatu eta Batasunetik at txertoak euren kontura lortu nahian dabiltzan lehenengo estatuak. Atzo bertan Poloniak Txinari eskatu zizkion txertoak eta Eslobakiak Sputnik V txertoaren 2 milioi dosi erosi zizkion Errusiari. Horri igande honetan Hungariara iritsitako Sinopharm etxe txinatarraren txertoaren dosiak gehitu behar zaizkio.

Koronabirus agerraldi batek hogei gaixo kutsatu ditu Bilboko Santa Marina ospitalean

Azken 24 orduetan 366 positibo berri atzeman ditu Osakidetzak, 8.514 test diagnostiko egin ondoren. Kopuru hori aintzat hartuz, positibotasun tasa %4,3koa da. Lurraldeka aztertuz, Araban 62 kutsatu berri detektatu dituzte, Gipuzkoan 110eta Bizkaian atzeman dira positibo gehien beste behin, 190. Edonola ere, egoera epidemiologikoa hobera egiten ari da eta EAEko intzidentzia metatua 100.000 biztanleko 251koa da. Hala ere, aipatzeko da koronabirusaren agerraldi bat atzeman dutela Bilboko Santa Marina ospitalean.

Hiru udalerri besterik ez daude gune gorrian Araban, Bizkaian eta Gipuzkoan

Lurraldeka aztertuz, Araban 41 kutsatu berri detektatu dituzte, Gipuzkoan 72 eta Bizkaian atzeman dira positibo gehien beste behin, 128. Edonola ere, egoera epidemiologikoa hobera egiten ari da eta aldi berean, eguneroko positibo berriak gutxitzen doaz. Eremu gorrian dauden herriei dagokienez, geroz eta gutxiago dira. Une honetan 3 besterik ez daude, pasa den astean baino 2 gutxiago: Derio, Oñati eta Santurtzi.
hamaika telebista

Image