Skip to main content

Bideoteka

Bideotekan bilatu
bideoaren irudia
Gure Nahia elkarteak Kirol Talde Soziala aurkeztu du

2014-03-26

Gure Nahia Elkartasuna, gaixotasun arraroen alde egiten duen elkartea duela bi urte sortu zen. Orain, ordea, Kirol Elkarte Soziala sortzea erabaki dute. Iniziatibaren helburua, gaixo dauden haurrei eta haien familiei laguntza ematea da, haiengan esperantza piztea, eta baita kirola egiten ari diren bitartean haien arazoez ahazten laguntzea ere.

bideoaren irudia
Xabier Alkorta: "Kutxabank-en diseinua aldatu delako gauzak ez dira okerrera joango"

2014-03-26

Gurean Gaur saioaren elkarrizketa atalean, Xabier Alkorta Kutxako zuzendari ohia izan dugu. Kutxabanken egoeraz eta egungo egoera ekonomikoaz hitz egin dugu. Eta nabarmendu du pribatizatzeak ez duela egoera aldatuko.

bideoaren irudia
Erabakitzeko eskubidearen defentsa egingo du EH Bilduk Europan

2014-03-26

Herrien erabakitze eskubidearen aldeko bozgorailu izan nahi du Europan Euskal Herria Bilduk. Maiatzeko hauteskundeei begira, bere asmoen berri ematen ari da koalizio abertzalea. Gaur eskainitako agerraldian, espainiarra ez dela eredu posible bakarra nabarmendu dute. Bestalde, Espainiako Auzitegi Konstituzionalak Kataluniako subiranotasun adierazpena bertan behera uztea kritikatu dute.

bideoaren irudia
Eguzki Urteaga: "Alderdi abertzaleek gaitasuna izan dute elkargoaren aldarrikapena bozetan islatzen"

2014-03-25

Gurean Gaur saioaren elkarrizketa atalean, Eguzki Urteaga EHUko irakasle eta soziologoa izan dugu. Ipar Euskal Herriko bozen lehen itzuliaren analisia eskaini digu, eta bigarren itzuliari begira jarri gara. Abertzaletasunak gora egin du asteburuko bozetan, eta horren arrazoiak azaldu dizkigu.

bideoaren irudia
Katapulta Plataformaren eskutik sortzaileen erakustaldiak izango dira asteburuan Donostian

2014-03-25

Katapulta Plataformaren helburua, ideiak eta talentua, berritzeko indarra eta ahalmena duten pertsonak bilatzea da, inguruko sormen gaitasuna ahalik eta gehien garatu ahal izateko. Proiektuaren aurkezpena egiteko hainbat ekimen antolatu dituzte asteburu honetako. Donostia 2016ko egoitzan, Easo kalean, denetariko diziplinak ikusi ahal izango dira kultur sistemaren ahuleziei aurre egiteko helburuarekin.

bideoaren irudia
Ramon Jauregiren hitzetan nazionalismoak utzi eta Europako Estatu Batuak eraiki behar dira

2014-03-25

Patxi Lopez PSE-EEko idazkari nagusiak agerraldia egin du Europako Batasuneko hauteskundeetarako zerrendan lehen postuak betetzen dituzten lau hautagaiekin batera. Hauen artean Ramon Jauregi izan da Bilboko agerraldian. Biek Europak duen garrantzia azpimarratu dute eta gaur egungo Europako ereduari 180 graduko bira eman behar zaiola adierazi dute. Jauregik Europako Estatu Batuak egiteko beharraren inguruan hitz egin du eta horrek gauza asko atzean uztea eskatzen badu, utzi beharko direla gaineratu du. Herriek identitate kontuak alboratu egin behar dituzte Jauregiren hitzetan, Europa batu baten alde egiteko.