Skip to main content
bannerra

Azken bideoak: Bertsolaritza

bideoa prestatzen
Jon Lopategi hil da, ezagutza elkarbanatu zuen txapelduna

2019-02-08
84 urte zituela, Jon Lopategi muxikarra hil da. Lautan irabazi zuen Bizkaiko Txapelketa eta 1989an, ibilbide oso baten erakusle, Euskal Herriko txapela jantzi zuen. Ikastola eta bertso eskoletan, irakasle gisa aritu zen, ezagutza eta ondarea, pasioz elkarbanatzen. Haren irakaspenak jaso zituztenen artean, Igor Elortza, Onintza Enbeita edo Unai Iturriaga daude.
bideoa prestatzen
Bertso Erronda txapelketa aurrera doa Bilbon

2019-02-06
Gasteizko Kutxi kalean egiten zen antzeko bertso Bertso Katu txapelketatik ideia hartuta sortu zen duela 3 urte Bertso Erronda. Helburutzat du Erronda kaleko giroa sustatzea. Bertso Erronda lehiaketako hirugarren edizioa da. Guztira 24 bertsolarik hartuko dute parte. Lau kanporaketa eta finala izango ditu ekimenak. Astero jokatzen dira saioak, Bigarren saioa otsailaren 5ean izan da, Errondabide tabernan. Aissa Intxausti parte hartzailearekin egon gara bere esperientzia kontatzeko.
bideoa prestatzen
Onintza Enbeita: "Nigatik eta emakume bertsolari guztiengatik"

2018-12-19
Historia egin du Onintza Enbeitak, lehenengo emakumea da Bizkaiko bertsolari txapelketan txapelak jartzen. Poza emakume bertsolari guztiekin partekatu nahi du, are gehiago feminismoarentzat hainm garrantzitsua izan den 2018 honetan.
bideoa prestatzen
Onintza Enbeitak irabazi du 2018ko Bizkaiko Bertsolari Txapelketa

2018-12-17
Lehen aldia da emakume batek Bizkaian aginte makila heltzen eta txapela janzten dituena. Muxikarrak gero adierazi duenez, txapelak baino aginte makilak egin dio ilusio gehiago. Etxahun Lekue lehiatu da Onintzarekin buruz burukoan. Beste seikotea ere puntuetan ez da urrun geratu.
bideoa prestatzen
Berdintasuna nagusi Bizkaiko bertsolari txapelketako finalisten artean

2018-12-11
Azkenaldiko finalik parekatuena izango dela adierazi dute Bizkaiko Bertsolari Txapelketako 8 finalistak . Faboritorik gabeko finala dela azpimarratu dute partehartzaileek eta antolakuntzak. Maila aldetik denak parean daudela eta uneko egoera psikologikoak erabakiko duela finala nabarmendu dute gehienek. Aitor Bizkarra lehenengoz arituko da Bizkaiko final batean. Berarekin batera, Eneko Abasolo (2010an finalista) eta 2016ko finalean egondako beste 6 bertsolari lehiatuko dira larunbatean Bilbao Arenan, 17:00etatik aurrera, Jon Enbeitak jantziko duen txapela irabazteagatik.
bideoa prestatzen
Urriaren 4an abiatuko da aurtengo Bizkaiko Bertsolari Txapelketa

2018-09-25
Finala, Abenduaren 15an izango da Miribillan, Bilbao Arena pabilioian. Txapelketaren aurreneko 5 kanporaketetan 30 bertsolarik hartuko dute parte. Horietatik 10 helduko dira finalaurrekoetara, non joan den edizioko 8 finalistak batuko diren lehiara.