Skip to main content
bannerra

Azken bideoak: Gurean Gaur

bideoa prestatzen
Quim Torrak birritan deitu dio Pedro Sanchezi eta honek ez dio telefonorik hartu

2019-10-21
Aste bateko protesten ondoren 201 atxilotu eta ehunka zauritu egon dira Katalunia osoan. Beste aldetik, ERC alderdiko Gabriel Rufianek ere bereak entzun zituen larunbateko manifestazioan.
bideoa prestatzen
Nafarroa Oinezerako finkatutako helburuak bete ez zirela eta, elkartasun deia luzatu du Argia Ikastolak

2019-10-20
Eguraldiak Nafarroa Oinezen aurreikuspenei eustea ekidin zuen. Giro aldetik balorazio bikaina egin zuten Argia Ikastolako kideek atzoko ikastolen festaren inguruan, baina aurreikuspen ekonomikoetara iristeko zailtasunak izango dituztela aitortu dute gaurkoan. Zergati nagusia eguraldia izan zen. Ekitaldi bat ere bertan behera gelditu ez bazen ere, arratsalde hasieran eroritako euriteak jende kopurua apaldu zuen.
bideoa prestatzen
Joker liburudenda eta Marika Vila, protagonista Getxoko Komiki Azokan

2019-10-21
Komikien saltokiaz gain, hitzaldi, erakusketa, sinatze-txandak eta abar eskaini ditu asteburuan zehar Getxoko Komiki Azokaren 18. edizioak. Gainera, 25 urte bete dituen Bilboko Joker liburudenda eta Marika Vila artista katalana saritu ditu.
bideoa prestatzen
Francoren gorpuzkiak urriaren 24an aterako dituzte Erorien Haranetik

2019-10-21
Francisco Francoren deshobiratzea ostegunean, urriaren 24an izango dela adierazi du Espainiako Gobernuak. Eguna ez ezik, ordua ere zehaztu dute; diktadorea goizeko 10:30tan aterako dute Erorien Haranetik, Mingorrubioko panteoian berriro hobiratzeko. Francoren gorpua enplazamendu batetik bestera eramateko prosezuak hiru ordu beharko ditu, eta era pribatuan egingo dela adierazi dute Exekutibotik, “errespetua eta duintasuna” bermatzeko. Komunikabideen presentzia ere espreski debekatu egin dute, bai Erorien Haraneko basilikan bai Mingorrubioko mausoleoan, non Carmen Polo Francoren emaztea hobiratuta dagoen baita ere. Une oro prozesua gainbegiratuko duena Dolores Delgado jarduneko Justizia ministroa izango da, notario eta forentse lanetan arituko dena.
bideoa prestatzen
Ingurune fisikoak dementzia duten pertsonengan duen eragina aztertuko dute urriaren 25ean, Donostian

2019-10-21
“Dementzia duten pertsonentzako ingurune integratzaileak” formazio jardunaldia ospatuko dute datorren urriaren 25ean, Donostian. Bertan, gizarte politikaren eta hirigintzaren arloko adituak elkartuko dira, ingurune fisikoak dementzia duten pertsonentzat duen eragina aztertzeko eta horren inguruko hausnarketa egiteko.
bideoa prestatzen
Epailearen aurrean azaltzeko aginduarekin askatu dituzte Bilboko 12 atxilotuak

2019-10-21
Eusko Jaurlaritzako Barne Sailak azaldu duenez, Ertzaintzak 18 pertsona atxilotu zituen atzo, Vox alderdiak antolatutako mitinaren bitartean, Casilda Iturrizar parkean batuta zeuden manifestarien kontra oldartu eta gero. 18 atxilotuetatik 6 adinez txikikoak dira eta atzo bertan beren tutoreen eskuetan utzi zituzten.