Skip to main content

Azken bideoak: Arrauna

bideoa prestatzen
Kontxako banderako lehiaketa batzordeak atzera bota du Urdaibairen helegitea

2018-09-07
Kontxako Banderako lehen jardunaldian Zierbenaren eta Urdaibairen arteko talka zela eta, zigorra jarri zioten epaileek Bermeoko taldeari, abordaia egon zela ikusita. Helegitea jarri badute ere, lehiaketa batzordeak ez ditu Urdaibairen argudioak onartu. Izan ere, ebatzi dutenez, batzordeak ez du epaileen erabaki tekniko baten aurka egiterik. Abordaia egon zela berretsi bai, baina zigorra leundu du batzordeak, estropadako azken denbora gehi beste 15 segunduko zigorra jarria zuten epaileek eta 15 segunduko gehiketa hori bertan behera utzi da orain. Denera, 34,44 segundu atzetik aterako da Urdaibai beraz, eta bandera lortzeko lehiatik kanpo geratuko dela dirudi horrenbestez.
bideoa prestatzen
Bilboko Udalak arraunketarako pabilioi berria inaguratu du

2018-09-07
Bilboko Udalak arraunketarako pabilioi berria inaguratu du. Juan Mari Aburto Bilboko alkateak eta udal ordezkariek Deustu arraun taldea hartuko duen azpiegiturak bisitatu dituzte. Alkateak pabilioiaren kokapena eta balioa azpimarratu ditu, hala nola, transmititzen dituen baloreak, jarduera osasuntsua dela eta gure herriko historiaren parte garrantzitsua dela. Gimnasioa, aldagelak, fosoa, hangar zabala eta itsasadarrera ematen duen pantala berria dira pabilioi honen parteetako batzuk. Arraun eskolak bere partez, 140 gazte baino gehiago bildu ditu jada.
bideoa prestatzen
San Juan eta Zierbena izan dira Kontxako lehen estropadako garaileak

2018-09-02
Igande honetan, sei segunduko abantaila izango du San Juanek Riveirarekiko eta zazpikoa Oriorekiko, iraileko lehen igandean trainerurik azkarrena izan delako Kontxako banderako estropadan, 10 minutu eta 41 segunduko denbora erdietsita. Hain justu, lehen estropadan, lehen txandako traineruek egin dituzte denborarik onenak, eta horietako hiru sailkatu dira igandeko ohorezko txandara. Bigarren txandan, ordea, Arraunek ere sei segundu atera dizkio Hibaikari, 10.55eko denbora eginda, lehen txandako Donostiarrak baino hobea, alegia. Eta San Juanengandik 13 segundura geratuta, hura izango da ohorezko txandan arituko den laugarrena. Gizonezkoetan, berriz, Zierbena eta Urdaibaik 19:26ko denbora egin dute Kontxako Banderako lehen egunean, borroka estua eskainiaz. Oso estua, izan ere, haien arraunek elkar jo eta epaileek Urdaibai zigortu egin dute, 20:15eko denbora ezarrita. Bi taldeetako ordezkariak kexatu dira erabakiarekin. Zierbenakoei epailea motz geratu dela iruditu zaielako eta Urdaibaik ez duelako zigorrerako motiborik ikusten. Hondarribia, berriz, Zierbenarengandik segundo bakarrera geratu da. Oriotarrak, aldiz, beren mailaz azpitik ibili dira eta azkenean 19:47ko denbora egin dute. Cabok 19:43koa eta San Pedrok 20 minutukoa. Igande honetan, beraz, Zierbena, Hondarribia, Santurtzi eta Cabo ariko dira ohorezko txandan eta hiru lehenek dute bandera etxera eramateko aukera gehien, baina iaz bizi izan zen itzulia gogoan izanda, edozer gerta liteke oraindik ere.
bideoa prestatzen
Riveira eta Urdaibai izan dira Kontxako sailkatze faseko garaileak

2018-08-30
Kontxako Sailkapen estropada jokatu zen abuztuaren 30ean, eta banderarako lehian arituko diren hamasei traineruen izena argitu zen. Emakumezkoetan, Galiziako Riveira taldeak irabazi zuen eta Tolosaldeak eman zuen eguneko ustekabea. Gizonezkoetan, Uradaibai gailendu zen eta iaz gutxigatik kanpoan geratu ostean, San Pedrok sailkatzea lortu zuen.