Skip to main content

Azken bideoak: Futbola

bideoa prestatzen
Athletic-ek Jokin Ezkieta atezain nafarra fitxatuko du

2019-06-21
22 urteko jokalari iruindarrak Bartzelonaren bigarren taldean jokatu du aurten. Aurretik, Oberena, Mutilvera eta Osasunaren harrobian ibilitakoa da. Baieztapen ofizialaren faltan, nafarrak Iago Herrerin, Unai Simon eta Hodei Oleagarekin lehiatu beharko du Lezaman.
bideoa prestatzen
Hamabi Futbol Kluba aurkeztu dute Bilbon, euskara hutsean biziko den kirol proiektua

2019-06-14
Hamabi Futbol Kluba sortu dute Bilbon, euskara hutsean biziko den kirol proiektua. Bizkaiko Abokatu Euskaldunen Batzordean sortutako ideia gorpuztuz, datorren denboraldirako bi talde inskribatu dituzte, gizonezkoena zein emakumezkoena. Orain, futbolari bila ari dira lantaldeak osatzeko eta bertan parte hartzeko interesa duen orok lekua izan dezakeela adierazi dute.
bideoa prestatzen
Realak Alexander Isak aurrelari suediarra aurkeztu du

2019-06-13
19 urteko futbolaria Alemaniako Borussia Dortmund taldetik dator. Etorkizun handiko jokalaria da eta bere herrian Zlatan Ibrahimovic mitikoarekin parekatzen dute. Txuri-urdinen hirugarren fitxaketa da, Sagnan eta Alex Remiroren atzetik.
bideoa prestatzen
2020ko Eurokopa txapelketari buruzko hainbat gako azaldu dituzte Bilbon

2019-06-12
Guztira, txapelketak hamabi egoitza izango ditu eta horietariko bat Bizkaiko hiriburua izango da. San Mamesen lau partida jokatuko dira, multzokako faseko hiru eta final zortzirenetako beste bat. Sarrerak eskuratzeko izen-ematea ireki dute dagoeneko eta Bilboko partidak ikusteko prezioa 50 eta 180 euro bitartekoa izango da. Hortaz gain, bolondres gisa apuntatzeko epea zabalik dago baita, hala azaldu dute txapelketako enbaxadore izango diren Julen Guerrerok eta Carlos Marchenak. Kanpokaldean, Eurokopa Honi Ez plataformak elkarretaratzea deitu du Espainiako selekzioa eta nazioaren inposaketa salatzeko asmoz
bideoa prestatzen
Osasunak ligako txapeldunaren kopa jaso du

2019-06-08
Osasunak ligako txapeldunaren kopa jaso zuen larunbatean. Gorritxoek play-off-a jokoan zuen Oviedo menderatu zuten, jarraikako 17. garaipena lortzeko . Denboraldia amaituta, Osasunak Sadarren ez du ligako partidurik galdu. Uztailaren 10ean itzuliko da taldea entrenatzera.
bideoa prestatzen
Inoizko ikusminik handiena sortu duen emakumezkoen munduko futbol txapelketa abiatu da

2019-06-07
Guztira, 24 talde arituko dira koroaren bila eta Amerikako Estatu Batuetako taldea da faborito nagusia. Hala ere, etxean jokatzen duen Frantziak, Ingalaterrak, Alemaniak edo Japoniak zeresana eskainiko dute. Euskaldunen artean, figurarik aipagarriena, Irene Paredes atzelari legazpiarrarena da. Hamaika Telebistan, txapelketa, Ane Urkiri Ansola GARAko kazetariarekin batera aztertu dugu.