Skip to main content

Azken bideoak: Museoak

bideoa prestatzen
'Zubiaurretarrak: Memoria grafikoa' erakusketa aurkeztu du Bilboko Arte Ederren museoak

2019-06-04
Ramón eta Valentín Zubiaurre anai margolarien argazki eta film bilduma batean datza erakusketa, Ekainaren 5etik urriaren 6ra ikusgai egongo dena. Funtsak erakusten gaztaroan argazkigintza eta zinemarekiko izan zuten zaletasuna eta, gehien bat, Zubiaurre familiaren eguneroko bizitza ageri dituzte irudiek. Denbora luzeko lana izan da argazki eta film guztiak biltzea, 2017ko ekainan hasitako proiektuaren emaitza baita erakusketa hau.
bideoa prestatzen
"Burdin bideak" erakusketa maiatzaren 27ra arte egongo da ikusgai Zazpikaleetako geltokian

2019-04-25
“Burdin Bideak” argazki erakusketa aurkeztu da gaur Zazpi kaleetako tren eta metro geltokian. 1986.urtean hasi zen lehiaketa, eta 29. edizioa da aurtengoa, Euskotren eta Metroaren espazio komun bat hartzen duen lehen aldia izanik. Erakusketan, 18 herrialdetako 134 argazkilarik irudikatu dituzte haien trenaren inguruko begiradak. 41 argazki originalak dira eta 108 formatu digitalean daude. Irabazlea, Cristina Bezanilla Echeverria, Euskalduna da, nahiz eta Kantabria eta Madril artean lan egiten duen. “Cuaderno de Vinh a Hue”-rekin jaso du lehen saria, Vietnameko Hanoi eta HO Chi Minh hirien arteko trenean hartutako argazkiarekin. Bere hitzetan, “trenak, ametsen, ilusioen eta itxaropenen lekukoak, askatasun espazioak, denboran zeharreko bidaia batean gidatu ninduen”.
bideoa prestatzen
Nueva Durangoko menoniten bizimodua, Miguel Bergasaren argazkietan ikusgai

2019-02-15
Nafarroako Unibertsitatearen Museoak “Menonitas de Nueva Durango” Miguel Bergasa argazkilariaren erakusketa bildu du. Martxoaren 24rarte izango da ikusgai eta Paraguayko eskualdeko sekta horren herrixka bateko biztanleen bizimodua erretratatzen du. Menonitak batez ere Ameriketan kokatzen diren gizarte esparru itxiak dira.
bideoa prestatzen
"Artzaina: tradizioari lotutako bizitza" aurkeztu du Iruñeko Ingurumen museoak

2019-02-05
Iruñeko Ingurumen Heziketarako Museoak “Artzaina: tradizioari lotutako bizitza” erakusketa aurkeztu du. Iñaki Vergara argazkilariaren erakusketak artzainen egunerokotasuna islatzen du.
bideoaren irudia
Ibilean | Bilboren aberastasuna

2014-03-11

Bilbok duen aberastasuna bertatik bertara ezagutzeko bidaia egin dugu, lehen saioan. Abentura berezi honetan, 1915ean lehen bidaia egin zuen Artxandako Funikularra, hainbat kanturen inspirazio iturri izan dan Nerbio itsasadarra, Bilbo modernoaren ikurra den Guggenheim museoa eta beste hainbat harri bitxi eta sorpresa ezagutuko ditugu. Bi bidelagun izango ditugu horretarako. Batetik, Arkaitz Estiballes Galdakaoko bertsolaria eta bestetik Bilboko Udalak hiria bisitatzeko garatu berri duen web gunea. Bazatoz?

bideoaren irudia
Galiarren Aroan murgiltzeko aukera duzue Donostiako San Telmo Museoan

2014-02-28

Donostiako San Telmo museoaren erakusketa berria Cesar aurreko Akitania ezagutu eta Galiarren Aroan murgiltzeko aukera paregabea da. Haien erritu, merkataritza bidaiak, bitxiak, gerrarako tresnak eta abar ikustearekin batera, herri galiarrean barneratuko da bisitaria. Erakusketaren harira, hainbat jarduera antolatu ditu museoak: tailerrak, bisita gidatuak, artisau erakustaldiak... Datorren maiatzaren 25a arte izango duzue zabalik.