Skip to main content
bannerra

Azken bideoak: Euskara

bideoa prestatzen
Pirritx, Porrotx eta Marimotots aurten Iruñean izango direla bermatu dute ehunka haurren aurrean

2019-11-18
Koloretako opariak helarazi dizkiote Pirritx, Porrotx eta Marimototsek Enrique Mayari. Azaroaren 29ko ikuskizuna behin behinean bertan behera uzteko erabakiari zentsura egotzi diote pailazoek eta “irrien tsunamiari” esker “Iruñeko udalarekin edo gabe” aurten Euskal Herriko hiriburuan izanen direla azpimarratu du gaurkoan Olentzerok eta Mari Domingik lagunduta hirukoteak. Iñigo Santxo abokatuak, jarraitutako prozedura erabat legala dela azpimarratu du eta ezaugarri “marxistak” ikusi dizkio, Marx Anaien ‘A night at the Opera’ lanari erreparatuta.
bideoa prestatzen
Berbagunearen VIII. edizioa egingo dute azaroaren 21ean, 'denon artean euskara eraikitzen' lelopean

2019-11-18
Azaroaren 21ean egingo da Berbagunearen VIII. edizioa Azkuna zentroan. Euskaraz hitz egiten dutenei eta ikasten dabiltzanei zuzendutako ekimena da, eta Funtsa euskaraz hitz egitea da. “Denon artean euskara eraikitzen” lelopean, euskararen erabilera normalizatzea eta hizkuntza bera ikusgarriagoa egitea da helburua.
bideoa prestatzen
200 egitasmo antolatu ditu Donostiako Udalak Euskararen egunaren harira

2019-11-18
Egitasmoen artean aurkitzen da San Telmo museoko doako egitaraua, non euskara ibiltaria erakusketa, kontzertuak, Go!azen telesaileko aktoreen solasaldia, zinema eskaintza eta bertso saio bereziak antolatu diren, beste hainbat ekimenekin batera.
bideoa prestatzen
Errigora, sei urte euskaratik herria eraikitzen

2019-11-15
Azaroaren 20an amaitzen da Errigorako Kideak egiten duten Nafar hegoaldeko uzta euskarari puzka kanpaina. Saski bat baino asko gehiago, Euskal herriaren Erribera eta Errigora elkar uztartzen dituen proiektua da.
bideoa prestatzen
Pirritx, Porrotx eta Marimototsen ikuskizuna bertan behera utzi du Iruñeko Udalak, kontratazioan "irregulartasunak" izan zirela argudiatuta

2019-11-15
Irregulartasunak egotzita eten du Iruñeko udalak behin-behinean Pirritx, Porrotx eta Marimototsen ikuskizuna. Pailazoek hori aitzakia dela salatu dute eta euskara, aniztasuna eta euskal kulturaren aurkako marko batean kokatu dute Baluarten egitekoa zen ikuskizunaren etetea. Kontratazioa martxan jarri zuen EH Bilduk ohiko prozeduran egin zela argudiatu du, eta euskarafobia leporatu dio eskuineko udal gobernuari.
bideoa prestatzen
Duela 22 urteko hizkuntza politikari helduko dio Iruñeko Udalak

2019-11-11
Duela 22 urteko hizkuntza politikari heldu nahi dio Iruñeko Udalak. Gaurkoan alkateak eta kultura zinegotziak aurkeztutako araudia 1997ko ordenantzan oinarritzen da, eta Nafarroako Auzitegiak euskararen dekretuaren aurka hartutako irizpideak izango ditu gaurkotzerako oinarri.