Skip to main content
bannerra

Azken bideoak: Literatura

bideoa prestatzen
50 urte beranduago ere "Egunero Hasten Delako"

2019-05-03
“Egunero hasten delako” eleberriak ez du gaurkotasunik galdu 50 urte bete dituen arren. 1969an Ramon Saizarbitoriak idatzi zuen eleberriaren edizio berritua aurkeztu dute Donostiako Udal Liburutegian. Bi planoko kontakizunean oinarritzen da; alde batetik, gizon gazte baten marmarra eta bestetik, abortatzear dagoen emakumearen kontakizuna. Azpimarratu dute obra aitzindaria izan zela bere garaian. Izan ere, Europan zabaltzen ari zen modernismoari heldu eta literatur molde berria eraikitzeaz batera, abortuaren gaiari ere heldu zion bete-betean.
bideoa prestatzen
Liburuaren Nazioarteko Eguna ospatu dute Euskal Herriko hainbat herri eta hiritan

2019-04-23
16 postuz osatutako azokan %10eko deskontuak eskaini dituzte liburuetan, eta 300 liburu zozkatu dituzte. Saltzaileek salmentekin gustura daudela adierazi digute. Liburuen salmentaz gain, hainbat saio ikusteko aukera izan da azokan; esaterako, Maite Arreseren 'Yogipuinak' haurrentzako yoga eta ipuinak batzen dituen kontakizuna.
bideoa prestatzen
'Enarak itzuli dira' lana aurkeztu dute Gari Berasaluzek eta Sergio Ruizek

2019-03-27
Musika eta literatura uztartzen dituen lagun arteko opari gisa definitu dute beren elkarlana: 'Enarak itzuli dira' izeneko liburua, eta 'Serge' izeneko diska. Lan honetan pisurik handiena diskoak duela adierazi dute; izan ere, Sergiok orain dela urte batzuk Gariri bere idatzi batzuk eskatu zizkion bakarkako lan akustiko eta intimo bat egin nahi zuelako. Idatzi horiekin, zortzi kantez osatutako Serge diskoa argitaratu du. Gari Berasaluzek nabarmendu du "noizbait bizirik egon zen norbaiten eta zerbaiten arrastoak" irakur daitezkeela liburuan. Zuzeneko aurkezpenetan poema errezitaldia eta musika uztartuko dituzte.
bideoa prestatzen
"Opil eta muxilen binetak" lesbianen inguruko istorioak biltzen dituen komikia aurkeztu dute

2019-03-06
“Opil eta muxilen binetak” lesbianen inguruko istorioak biltzen dituen komikia aurkeztu dute. Gehitu eta Mugen Gainetik erakundeen lankidetzarekin sortutako proiektua da. Emakume lesbianek Latinoamerikan nahiz Estatu espainiarrean bizi izan dituzten eguneroko egoerak agerian jartzea da lan honen helburua. Horretarako, hamar ilustratzaile lesbianek hartu dute parte; bost latinoamerikarrak dira eta bost Estatu espainiarrekoak. Emakume lesbiana izateak dakarren egunerokotasuna ezagutzen lagunduko duen lan bat da. Egileek adierazpen askatasun osoa izan dute euren lanak egiterako orduan eta istorio bakoitza hiru orrialdetan kontatu dute. Kontakizun bakoitza independentea da eta sortzaileek bizi izan dituzten pasarteak dira.
bideoa prestatzen
"50 aldiz errebelde" liburuak hainbat esparrutako emakumeen istorioak jaso ditu

2019-03-05
“5O aldiz errebelde” liburua aurkeztu dute. Liburuaren egileak Maria Orcasitas eta Andrea Perales dira eta ilustratzaile lanean Angela Garcia aritu da. Hainbat esparrutako 50 emakume norbanako zein kolektiboen istorioak jaso dituzte.
bideoa prestatzen
Gutun zuriaren edizio berriak, letrak liburuetatik atera eta beste diziplina batzuetara eramango ditu

2019-03-04
Bilboko Letren Nazioarteko jaialdia apirilaren 2tik 6ra bitarte ospatuko da “gaur gauean suak nire liburutegia erreko balu. Artea kontatzeko artea” izenburupean. Literatura jantziko dute aurten artistekin egingo diren tailerrek, kontzertuek, talentu berriekin elkarrizketek eta ikus-entzunezko sorkuntzek. Honela helburu dute jaialdia publiko berrietara zabaltzea. Azkuna Zentroan izango da Letren jaialdia. Aurtengo berezitasuna den diziplina nahastearen ideia inplizituki agertzen da izenburuan