Skip to main content
bannerra

Azken bideoak: Literatura

bideoa prestatzen
'Letrazaurituak' emakume editoreen lehen topaketak antolatu ditu Katakrakek

2019-10-02
'Letrazaurituak' emakume editoreen topaketaren lehendabiziko edizioa antolatu du Katakrakek. Disziplina anitzetako hamar emakume idazlek euren eskarmentua partekatuko dute. Urriaren 14tik 19ra ospatuko da.
bideoa prestatzen
Euskal langile andreen ibilbide historikoa aztertu du Oiane Valerok

2019-09-27
Euskal langile andreen ibilbide historikoa aztertzeari atea zabaldu dio liburu honek. Azterketa horretan, Euskal Herria askatze marko bezala irudikatu da eta euskal langile andreak askatze subjektu bihurtu dira. Oihane Valerok nabarmendu du, lan bukatu gabea dela liburua. Helburua, eztabaidari atea zabaltzea dela eta ikerketa bultzatzea.
bideoa prestatzen
Mikel Antzaren "Atzerria" liburua gaztelaniara itzuli dute

2019-09-12
Mikel Antzaren “Atzerri” liburua gaztelaniara itzuli dute “En país extraño” izenburupean. Mikel Antza idazleak eta Garazi Arrula Txalapartako kideak aurkeztu dute Donostiako liburutegi nagusiko sotoan. 2012an argitaratu zen euskarazko alea Susa argitaletxearen laguntzaz. Antzak azaldu du liburua ez dela autobiografia bat baina azpimarratu du bere bizipen pertsonalak jasotzen dituela. Erbestera ihes egin behar izan duen idazle gazte baten hausnarketak, itxaropenak eta desirak bildu ditu idazleak.Liburua Roberta Gozzik itzuli du eta Marixol Iparragirrek zuzendu du. Ezin izan dute aurkezpenera etorri eta idazleak Iparragirreren egoera gogoratu du: abuztuaren 27an estraditatu zuten Frantziako Estatutik eta gaur egun Soto del Realen dago espetxeraturik.
bideoa prestatzen
Kurtur Dealersen laugarren edizioan klima aldaketari buruzko ia ehun mikrokontakizun hautatu dituzte

2019-07-01
Kultur Dealers egitamoaren laugarren edizioan, klima aldaketari buruzko ia ehun mikrokontakizun hautatu dituzte. Beñat Muñoz Robin Comunicacion enpresako kideak azaldu duenez, hautatutako mikrokontakizunetatik 75 gaztelaniazkoak dira eta 16, euskarazkoak. Maite Arrutik irabazi du euskarazko kontakizunen lehiaketa “Leiho bat esperantzari” kontakizunarekin, eta Marcols Alonso Diaz izan da gaztelaniazko lehiaketaren irabazlea “Ganaderia Humana” mikrokontakizunarekin. Kultura Departamentuak Kultur Dealers espazioa sortu zuen 2016an Robin Comunicacion enpresaren laguntzaz. Herritarrei sorkuntza gune bat eskaini eta aurkeztutako lanek kalean presentzia izateko helburuarekin sortu zen. Antolatzaileek adierazi dutenez, aurten klima aldaketaren gaia aukeratu dute, gaur egun zeresan handia ematen ari den gaia delako.
bideoa prestatzen
Altzoko Handia, istoriotik historiara

2019-06-25
Altzoko Handia, ‘Euskaldun mitiko bat (nahiz guztiz erreala) XIX.mendeko Europan’ liburua aurkeztu dute Koldo Mitxelena Kultur etxean. Luis Angel Sanchez madrildarrak idatzi du liburua; historian doktorea eta antropologiako irakaslea da bera. Idazleak pertsonaiaren inguruan eraiki diren mitoak eta kondairak alde batera utzi, eta Migel Joakin Elizegi altzoarrak bizi eta pairatu behar izan zuena azaldu du liburuan. XIX.mendearen erdialdean, Europan bizi izan zen erraldoirik ezagunena aztertu dute liburuan. ‘Altzoko Handia’ ezizena jarri zioten Migel Joakin Elizegi Ateagari , eta 1818tik 1861.urtera arte bizi izan zen. Ez dago argi zenbat neurtzen zuen, baina Sanchezek adierazi du 2,42 metrorainoko altuera izan zuela. Euskal Herrian orain arte izandako pertsonarik altuena da, nahiz eta nazioartean badiren handiagoak ere. Altuera horren zergatik azaldu ditu Sanchezek liburuaren aurkezpenean. "Hipofisian tumor bat zuen, tumor onbera bat. Tumor horrek zapaldu egiten zion hipofisia, eta hazkunde hormona asko sorrarazten zizkion horrek".
bideoa prestatzen
"Auschwitzeko tatuatzailea" euskaratu du Migel Angel Elustondok, Alberdania argitaletxeak hala eskatuta

2019-06-17
Nazioartean izen handia duen eleberria da. 2 milioi irakurle baino gehiago izan ditu dagoeneko 44 herrialdetan. Donostiko prentsaurrekoan azal du dutenez, liburu berezia da