Skip to main content
bannerra

Azken bideoak: Literatura

bideoa prestatzen
Mundu osoko komikigileak bilduko ditu Getxoko Komiki Azokak

2019-10-09
Getxoko Komiki azokaren 18. edizioa aurkeztu dute Bilboko BBK Aretoan. Estatuan zein nazioartean ezinbesteko zita bihurtu den topaketak ateak irekiko ditu urriaren 18an, Bizkaira ekarrita mundu mailako obra eta autorerik puntakoenak, ohi bezala.
bideoa prestatzen
Irati Elorrietak, Patxi Zubizarretak eta Asisko Urmenetak irabazi dute Euskadi saria

2019-10-02
Literaturako Euskadi Sariak irabazi dituzte Irati Elorrieta, Patxi Zubizarreta eta Asisko Urmenetak. Euskadi Literatura saria Irati Elorriagari eman diote Nekuko Argiak eleberriarengatik. Berlinen sortu zuen bertan bizi delako. Haur literatura saria, berriz, Patxi Zubizarretari eman diote Korri, Kuru, Korri! lanarengatik. Literatura lanen ilustrazioaren atalean, Asisko Urmeneta saritu dute Aztihitza: Xahoren biografia komikiarengatik.
bideoa prestatzen
'Letrazaurituak' emakume editoreen lehen topaketak antolatu ditu Katakrakek

2019-10-02
'Letrazaurituak' emakume editoreen topaketaren lehendabiziko edizioa antolatu du Katakrakek. Disziplina anitzetako hamar emakume idazlek euren eskarmentua partekatuko dute. Urriaren 14tik 19ra ospatuko da.
bideoa prestatzen
Euskal langile andreen ibilbide historikoa aztertu du Oiane Valerok

2019-09-27
Euskal langile andreen ibilbide historikoa aztertzeari atea zabaldu dio liburu honek. Azterketa horretan, Euskal Herria askatze marko bezala irudikatu da eta euskal langile andreak askatze subjektu bihurtu dira. Oihane Valerok nabarmendu du, lan bukatu gabea dela liburua. Helburua, eztabaidari atea zabaltzea dela eta ikerketa bultzatzea.
bideoa prestatzen
Mikel Antzaren "Atzerria" liburua gaztelaniara itzuli dute

2019-09-12
Mikel Antzaren “Atzerri” liburua gaztelaniara itzuli dute “En país extraño” izenburupean. Mikel Antza idazleak eta Garazi Arrula Txalapartako kideak aurkeztu dute Donostiako liburutegi nagusiko sotoan. 2012an argitaratu zen euskarazko alea Susa argitaletxearen laguntzaz. Antzak azaldu du liburua ez dela autobiografia bat baina azpimarratu du bere bizipen pertsonalak jasotzen dituela. Erbestera ihes egin behar izan duen idazle gazte baten hausnarketak, itxaropenak eta desirak bildu ditu idazleak.Liburua Roberta Gozzik itzuli du eta Marixol Iparragirrek zuzendu du. Ezin izan dute aurkezpenera etorri eta idazleak Iparragirreren egoera gogoratu du: abuztuaren 27an estraditatu zuten Frantziako Estatutik eta gaur egun Soto del Realen dago espetxeraturik.
bideoa prestatzen
Kurtur Dealersen laugarren edizioan klima aldaketari buruzko ia ehun mikrokontakizun hautatu dituzte

2019-07-01
Kultur Dealers egitamoaren laugarren edizioan, klima aldaketari buruzko ia ehun mikrokontakizun hautatu dituzte. Beñat Muñoz Robin Comunicacion enpresako kideak azaldu duenez, hautatutako mikrokontakizunetatik 75 gaztelaniazkoak dira eta 16, euskarazkoak. Maite Arrutik irabazi du euskarazko kontakizunen lehiaketa “Leiho bat esperantzari” kontakizunarekin, eta Marcols Alonso Diaz izan da gaztelaniazko lehiaketaren irabazlea “Ganaderia Humana” mikrokontakizunarekin. Kultura Departamentuak Kultur Dealers espazioa sortu zuen 2016an Robin Comunicacion enpresaren laguntzaz. Herritarrei sorkuntza gune bat eskaini eta aurkeztutako lanek kalean presentzia izateko helburuarekin sortu zen. Antolatzaileek adierazi dutenez, aurten klima aldaketaren gaia aukeratu dute, gaur egun zeresan handia ematen ari den gaia delako.