Skip to main content
bannerra

Azken bideoak: Antzerkia

bideoaren irudia
Biolentziari biolentziaz erantzun ala beste masaila jarri?

2017-03-17

Biolentzia baten aurrean biolentziaz erantzuteko eskubidea erreibindikatzen du Atx teatroaren lan berriak. Fredi Paia arduratu da 'Fakiu' antzezlanaren testua idazteaz eta Iñaki Ziarrustak egin ditu zuzendari lanak. 

bideoaren irudia
Euskal antzerkigintzaren kimu berriak

2017-03-03

2015ean sortu zen Pabellón 6 kulturguneko Gazte Konpainiaren lehen promozioa. 25 urtetik beherako antzezleek osatzen dute talde hau eta eurekin izan gara martxoaren 10ean estreinatuko duten 'Aborigenak' lanaren inguruan solasean.

bideoaren irudia
"Ele!", bi unibertso kultural aurrez-aurre

2017-02-17

Frankismoaren fusilek hil zituzten Lauaxeta eta Lorca 36ko gerran. 80 urte igaro ondoren, Jon Maia bertsolariak eta Josu Camara zuzendariak idazle biak batu dituzte ikuskizun berezi batean. Bi unibertso kulturalen arteko talkak eta lotuneak islatu dituzte bertan.

bideoaren irudia
Bizitza, etengabeko erabaki hartzea

2017-02-10

Hautu eta oinordetzen inguruan hausnartu dute Miren Tirapuk eta Maika Etxekoparrek euren lan berrian. Beheko Larraine konpainiaren aurreneko obra da "Atte hil aurretik". Amona eta iloba baten arteko istorioa kontatzen du Tirapuk, hiru pertsonairen azalean jarriz. 

bideoaren irudia
Femmes, adinekoak baina iraultzaileak

2016-12-22

Hortzmuga Teatroaren "Femmes" proposamena ezagutu dugu. Sistemaren aurka doazen lau adineko emakume dira kale antzerki honetako protagonistak. Kalea eszenatoki, ikus-entzuleak emanaldiaren parte bilakatzen dira ikuskizun xelebre honetan.

bideoaren irudia
Ama hilari hitzak koaderno zurian

2016-11-03

HIKA teatroa "Koadernoa zuri" antzezlanarekin dabil Euskal Herriko antzokietan zehar. Ama zorrotz baten menpe hezitako bi ahizparen istorioa kontatzen du, eta 25 urte elkar ikusi gabe egon ostean loratzen diren sentimendu, oroitzapen edo gorabeherak bizi ahalko dituzte ikusleek. Agurtzane Intxaurraga zuzendaria eta Miren Gojenola eta Itziar Ituño aktoreak izan ditugu gurean, antzezlan zirraragarri honen inguruan solasteko.