Skip to main content
bannerra

Azken bideoak: Antzerkia

bideoa prestatzen
"Obabakoak" Stuttgart-eko Antzerki Nazionalean antzeztuko da euskaraz

2019-06-26
Bernardo Atxagaren "Obabakoak" gure lurraldearen mugak aspaldi zeharkatu zituen. Oraingoan, Calixto Bieitok zuzenduriko antzerkia, Arriagatik Stuttgarteko Antzerki Nazionalera egingo du salto. “Bidaia esperimental” honen ñabardura guztiak ezagutzeko, Lander Otaola akotrearekin egin dugu hitzordua, Alemanian antzezteko gogotsu dagoena.
bideoa prestatzen
Jose Maria Usandizagaren 'Mendi-Mendiyan' obra antzezlan bihurtu dute

2019-06-12
Bilboko Arriaga antzokiko zuzendari artistikoak José María Usandizagaren obra bat antzezlan bihurtzea erabaki du. Euskal egilearen 20.mende hasierako lirikoa, hain zuzen ere. Ausrine Stundyte soprano lituaniarra euskaraz arituko da. Mendi-Mendiyan Usandizagaren lehen lan lirikoa izan zen. Bilboko Koral Elkarteak 1909an enkargatu eta hurrengo urtean Campos Eliseos Antzokian estreinatu zen opera. Kontzertu erara moldatu zen ondoren eta baita balet emanaldi formatura ere. Orain, Arriagako 2018-2019 denboraldiari amaiera emateko, Calixto Bieitok antzerki izaera emango dio. Abeslari arituko da 1909an enkargua egin zuen Alfredo Etxaberen birbiloba. Operaren eszenaratzeaz baliatuz, ekainaren 20an eta 22an, emanaldia baino lehenago Mendi-Mendiyan lanari eta Usandizaga egileari buruzko hitzaldia eskainiko da. Emanaldia bera, kalean ere emango da zuzenean larunbatean:
bideoa prestatzen
'Zer gertatu zitzaion Ana Garciari?' obrak azken paseak eskainiko ditu Pabellon 6-en

2019-05-29
Pabellon 6eko gazte konpainiaren “Zer gertatu zitzaion Ana Garcíari?” antzezlanak azken hiru paseak izango ditu asteburu honetan. Borja Ruizek zuzenduta, aktore talde gazte batek ematen die bizitza pertsonaiei. Emakume, ume, trans edo beste askoren aurkako indarkeriaren inguruko obra da eta Aritz Mendiola aktoreak azaldu du gizartean beharrezkoa den gaia dela.
bideoa prestatzen
Antzerkia gazteengana gerturatuz

2019-05-28
21. Gazteen antzerki topaketak egiten ari dira Donostian. Antzerkia sutatzea eta publikoa gaztea antzokietara gerturatzea da topaketaren asmoa. Leire Orella Antzerki Topaketako teknikariarekin eta Estibaliz Curiel epaimahaikidearekin hitz egin dugu topaketaz.
bideoa prestatzen
Aste Nagusirako 'koktel' bat, Campos Eliseos antzokian

2019-05-22
Umorea, komedia, drama, kritika, thrillerra eta emozioa biziko da artearen bitartez Bilbon. Horiek zaporeetara itzuli eta koktel bat osatu du antzokiak. Sei antzezlan egongo dira irailaren erdialdera arte, ikusleari barre egiteko zein hunkitua sentitzeko aukera emango diotenak. Hori islatzen du koktelak. Adibidez, Goyo Jimenez umorista egongo da 8. urtez jarraian eta hori erakusteko erabili dute izenean “zortzi” duen ron bat. Antzezlanak ikusleen ekarpenen bidez egokitu egin dira. Esaterako Campos Comedy izeneko saioan komiko entzutetsuak izango dira: Luis Piedrahita edo David Guapo besteak beste. Edo ikusgai egongo da baita Estatu Batuetan arrakasta handia duen Por los pelos izeneko antzezlan komiko-poliziala. Nekane Alonso zinegotziak azaldu du antzerkiaren garrantzia eta honek Bilbon izan duen bilakaera.
bideoa prestatzen
Arrigorriaga umorez beteko du clown eta pailazoen 24. jaialdiak

2019-04-30
Arrigorriagako clown eta pailazo jaialdiaren 24. edizioa aurkeztu dute Bilbon. Asteburu osoan zehar, maiatzaren 3tik 5era, Euskal Herriko zein atzerriko 12 konpainiek Arriagako kaleak beteko dituzte, publiko oso zabal bati eskainitako ikuskizunen bitartez. Horixe da, hain zuzen, Amagoia Garaizabal jaialdiko zuzendariak azaldu duenez, jardunaldi honen helburua: ahalik eta jende gehien biltzea, edozein adineko ikusleri bideratutako emanaldiak antolatuz.