Skip to main content

Azken bideoak: Musika

bideoa prestatzen
Mojo workin´jaialdiak rhythm and blues eta soul musikaz beteko du Donostia 10.urtez

2019-03-14
Hamargarren Mojo Workin´jaialdia izango da martxoaren 14tik 17ra. Estatu Batuetako 60.hamarmakadako soul eta blues erritmoak ekarriko dituzte Donostiara. Talde garaikideak eta disko jartzaileek ere egitarauan izango dira. Martxoaren 15ean Akatz, Winfield Parker & The Cookies taldeak zuzenean ariko dira Egiako Gazteszena aretoan. Martxoaren 16an, berriz, Big Bob Railroad, Thelma Jones & The Dixie Cups izango dira Gazteszenako agertokian eta amaiera 17an Tabakaleran izango da.
bideoa prestatzen
Datorren urrian hasiko du bira La Polla Records taldeak

2019-03-13
Madrilen eman duen konferentzia batean adierazi ditu taldeak birari buruzko xehetasunak. 12 kontzertuz osatutako bira izango da, urriaren 19an BECen bat eskainiko dutelarik. Gainera kontzertua disko batekin batera etorriko da, 19 kantu esanguratsu bilduko dituena, baita orain atera duten single berria ere: “Ni descanso, ni paz!” izenekoa. Hasiera batean Euskal Herrian emango duten kontzertu bakarra izango da Barakaldokoa. El Drogas izango dute laguntzaile bezala biran eta latinoamerikan ere izango dira, Argentina, Chile, Mexiko, Uruguay edo Ekuadoren, adibidez. Prentsaurrekoan gogorarazi dute 40. Urteurrenarekin egiten duela bat itzulerak
bideoa prestatzen
MusikaZuzenean TB #63: Huts + Skabidean & The Black Birds

2019-03-07
Kolore ezberdinez jantzita dator MusikaZuzenean telebistaren atal berria! Lehen erreportajea osatzeko Huts taldearekin bildu gara entsegu lokalean. Taldeak "Toxiko" diskoa kaleratu berri du, musikalki rock koordenadetan. Hirukoaren bigarren emaitza luzea da honakoa, indartusua eta erabatekoa.... eta pozoitsua! Segidan, iruñara egingo dugu bidai Skabidean eta Black Birds musika egitasmo berria ezagutzeko. Ska, reegae eta rockstedy giroak lantzen dituen musika egitasmo handia da honakoa, taula gainean 11 musikari batuz.
bideoa prestatzen
'Zabaldu ateak' zortzigarren diskoa aurkeztu du Urtz taldeak

2019-03-07
Rock kutsukoa baina sonoritate berritzaileak bilatzen dituen diskoa dela adierazi du taldeak. Xabier Camarero abeslariak, bizitzak bezala, diskoak ere une ezberdinak dituela azpimarratu du eta jendearen esku utzi du 'Zabaldu ateak' izenburuaren irakurketa, bakoitzak berea egin dezan.
bideoa prestatzen
Keith Flint-ek, The Prodigy taldeko abeslariak, bere buruaz beste egin du 49 urte zituela

2019-03-04
The Prodigy talde ikonikoaren irudi nagusia zen Flint. Essex (Ingalaterra) konderriko bere etxean topatu du gorpua hango poliziak goizean. 1990an sortua, bere musika elektronikoari punk itxura eta jarrera gehitu zizkion taldeak eta estiloan erreferente bilakatu zen berahala.
bideoa prestatzen
Musika música jaialdia ospatuko da asteburu honetan

2019-03-01
Bart eman zitzaion hasiera Bilboko Orkestra Sinfonikoaren kontzertuarekin. 70 kontzertu baino gehiago egongo dira. Aurtengo edizioan bi hiri handiren dinamika kultural eta musikalari eskainiko zaio arreta: Londres eta New Yorki. Euskalduna Jauregian ospatuko da jaialdiaren 18. Edizioa. Jende desberdinarentzako dago tokia jaialdian, afizionatuak, zuzenean inoiz kontzertu bat ikusi ez duten pertsonak, melomanoak, adituak edo haurrak. Hala azaldu digu antolatzaile den Josune Ariztondok. Bilboko Orkestra Sinfonikoak Stefan Asbury zuzendari izanik zabaldu zuen jaialdia. Gershwin, Walton eta Elgarren piezak joaz eman zitzaion hasiera Musika Musikari.